Óscar Tabárez

'Oscar Tabarez (lair ana ing Montevideo, Uruguay, tanggal 3 Maret 1947). Oscar Tabarez anduwèni jeneng dawa yaiku Oscar Washington Tabarez Silva. Dèwèké yaiku pimpinan kasewelasan bal-balan Uruguay ing Piala Dunia 2018. Cilikané Oscar Tabarez uwis duwèni tresna karo dolanan bal-balan. Dhèwèké kerep dolanan bal-balan ana ing lapangan cilik nganti lapangan sing gedhé. Ana ing umur 20 taun Oscar Tabarez wiwit mèlu gabung ing klub Sud America. Tabarez akèh nglakoni pindhah grup, posisiné ing klub-klub iku yaiku dadi pemain bertahan, ananging kariré anggoné main bal-balan ora apik. Oscar Tabarez ya anduwèni jeneng julukan yaitu 'Èl Maéstro' utawa guru kang saktenan-tenané guru ana ing jaba lan jero lapangan, amarga pancèn dhèwèké wis mulang ing sekolah sawisé gagal dadi pemain bal-balan. Senajan seka taun 2016 Oscar Tabarez divonis duwèni sindrom Guillain-Barre, sing dadèkaké dhèwèké angèl mlaku, butuhaké tompangan, lan kadhang gunakaké kursi rodha, Oscar Tabarez tetep kukuh bakuh lan semangat dadi pelatih bal-balan tim Uruguay.

Tabarez yaitu guru ing sakwalike kamenangan saka tim La Celeste. Dèwèké saiki ngidak umur 71 taun. [1] Oscar Tabarez yaiku pelatih sing paling tuwa ana ing Piala Dunia 2018. Kunci kasuksèsan sing dicekel Oscar Tabarez ana ing bal-balan yaiku keseimbangan. Tim bal-balan sing dèwèké latih mesthi main nganggo keseimbangan ing saben wektuné. Wis 12 taun suwéné dhèwèké dijaluk dadi pelatih Uruguay. Pengaruhé Tabarez ing negarané ora mung winates ing kamenangan, nanging uga dadi arsitèk ingkang nglairaké rong pemain bal-balan Uruguay.

Tabarez uga nuntun program sing tujuané bisa nemokaké bakat anyar lan berkembang. Kerja kasebut ngasilaké woh sing legi yaiku tim nasional U-17 lan U-20 sing tambah akèh ing Piala Dunia. Salah sawijining asil saka karyané iki uga katon ing Piala Dunia 2018 ing wektu iki yaiku tokoh Rodrigo Bentancur lan Matias Vecino, loro karyawan enom sing duwé kemampuan tèknis. Pamuter bal-balan jinis kasebut arang digawé ing Uruguay taun 1990-an lan 2000an.[2]

Kariré wektu dadi pelatih luwih moncèr tinimbang wektu Oscar Tabarez isih dadi pemain bal-balan. Dhèwèké dikontrak luwih seka sak grup bal-balan. Tuladhané ana grup Danubio, Montevideo Wanderes, lan Penarol. Oscar Tabarez gawa Penarol anjuwarai Copa Libertadores taun 1877. Setaun sawisé kuwi, dhèwèké mbalèni nglatih tim nasional Uruguay lan gawa tim Uruguay mèlu ubengan 16 gedhé Piala Dunia 1990.

Oscar Tabarez tansah nandur sikap lan idéologi ingkang kuwat kanggo tim nasional Uruguay. Garra Charrua tansah dadi senjata kang wadi kanggo Oscar Tabarez lan tim Uruguay. Garra sing duwèni arti cakar lan Charrua yaiku suku Indian sing ana ing Uruguay abad ingkang kaping 19.

PréstasiBesut

Oscar Tabarez uwis tau dadi juwara Copa Amerika 2011. Ora mung kuwi préstasi Oscar Tabarez yaiku wis tau dadi pelatih ana ing Semi Final Piala Dunia 2010. Dhèwèké uga diwenehi anugrah gelar South American Coach of The Year, 2010, 2011 lan uga gelar IFFHS World's Best National Coach 2011.

KepelatihanBesut

  • 1980–1983 : Bella Vista
  • 1983 : Uruguay U-20
  • 1984 : Danubio
  • 1985–1986 : Wanderers
  • 1987 : Peñarol
  • 1987 : Uruguay U-20
  • 1988 : Deportivo Cali
  • 1988–1990 : Uruguay
  • 1991–1993 : Boca Juniors
  • 1993–1994 : Peñarol
  • 1994–1995 : Cagliari
  • 1996 : Milan
  • 1997–1998 : Oviedo
  • 1998–1999 : Cagliari
  • 2001 : Vélez Sársfield
  • 2002 : Boca Juniors
  • 2006 : Uruguay

Karir SéniorBesut

  • 1967 – 1971 Sud América
  • 1972 – 1973 Sportivo Italiano
  • 1975 Wanderers
  • 1976 Fénix
  • 1976 – 1977 Puebla
  • 1977–1979 Bella Vista

RéferènsiBesut

  1. Yunus, Saiful Rijal (2018-06-27). "Oscar Tabarez, Pelatih Tertua Piala Dunia 2018 yang Menolak Takluk". 
  2. Vetriciawizach. "Oscar Tabarez, Kakek Bersaraf Baja di Bangku Uruguay". olahraga (ing basa Inggris). Dijupuk 2019-10-30.