Paku Alam II
Kanjeng Gusti Pangéran Arya Adipati Paku Alam II (Hanacaraka: ꦑꦚ꧀ꦗꦼꦁꦓꦸꦱ꧀ꦠꦶꦦꦔꦺꦫꦤ꧀ꦄꦢꦶꦥꦠꦶꦄꦂꦪꦦꦏꦸꦄꦭꦩ꧀꧇꧒꧇) utawi Paku Alam II utawi Radèn Tumenggung Natadiningrat inggih punika putranipun Paku Alam I ingkang lair ing Akat Pon 27 Ruwah Be 1712 Mangsa Kasa Wuku Watugunung Windu Sangara, utawi 25 Juni taun 1786[1] kanthi nana RM. Subekti.[2] Saking taun 1814 gantos asma dados Pangéran Suryaningrat.[3] Nalika taun 1829 piyambakipun dipunangkat dados Kepala Kadipatèn Pakualaman kanthi sesebutan K.G.P Adipati Suryadiningrat.[4] Nalika piyambakipun mangku kalungguhan puniku, yuswanipun sampun 44 taun.[1] Sri Paku Alam II boten namung nglajengaken tradhisinipun Sri Paku Alam I inggih punika nyinaoni babagan kasusastran, nanging piyambakipun ugi nyinaoni babagan kagunan.[3]
Kulawarga besut
R.T. Natadiningrat gadhah garwa padmi inggih punika G.K.R Ayu, putrinipun Hingkang Sinuhun Kanjeng Sultan Hamengkubuwana II.[4] Piyambakipun patutan ingkang cacahipun sekawan[1] inggih nama Muktianawati, Sariningdyah, Resminingdyah lan Widawati. Saking sedayanipun, R.T. Natadiningrat peputra cacah 16.[2] Nalika samanten, putra mbajengipun inggih punika K.P. Haria Suryaputra sampun tilar donya.[3] Putra kaping kalih, inggih punika K.P. Suryaningrat, kaganggu pikiranipun amargi kejeron anggènipun nyinaoni babagan klenik.[1] Putranipun kang kaping tiga namanipun K.P.H Nataningprang ngréncangi Sri Paku Alam II ing babagan papréntahan kaliyan dados balung punggung kulawarga.[4] Nanging nalika taun 1857 piyambakipun tilar donya.[3] Salajengipun putra ingkang ragil inggih punika K.P.H Sasraningrat ingkang nggantosaken Sri Paku Alam II kanthi sesebutan K.G.P Adipati Paku Alam III.[1] Déné saking garwa ampéyan nama Resminingdyah, panjenenganipun peputra RM Saparja kang ing tembé jumeneng Sri Paku Alam V.[2] Sri Paku Alam II séda ing tanggal 23 Juli 1858 nalika yuswanipun 73 taun.[1]
Ugi pirsani besut
- Pratélan Ratu Mataram Enggal
- Kadipatèn Pakualaman ing Yogyakarta.
Pranala njaba besut
Cathetan suku besut
- ↑ a b c d e f [Djoko Dwiyanto. 2009. Puro Pakualaman Sajarah, Kontribusi, dan Aji Kejuangannya. Yogyakarta: Paradigma Indonesia. ISBN 978-979-17836-0-8. Hal 15.]
- ↑ a b c Ratna,, Saktimulya, Sri. Naskah-naskah skriptorium Pakualaman : periode Paku Alam II, 1830-1858 (édhisi ka-Cetakan pertama, Desember 2016). Jakarta. ISBN 9782855391991. OCLC 970396271.
{{cite book}}: CS1 maint: extra punctuation (link) - ↑ a b c d [Soedarisman Porwokoesoemo. 1985. Kadipaten Pakualaman. Yogyakarta: Gama Press]
- ↑ a b c [Soejono Prawirohadikusumo. 1999. Jumeneng Dalem KGPAA Paku Alam IX. Yogyakarta: Puro Pakualaman]
| Artikel iki minangka artikel rintisan. Kowé bisa ngéwangi Wikipédia ngembangaké. |