Parembugan Kategori:Èlmuwan

Winasis

Kadosipun ingkang langkung njawani ilmuwan dipunpertal dhateng winasis. Punika miturut bausastra Indonesia-Jawa déning Utomo 2015. Cahyo Ramadhani ^pirembagan 29 November 2015 03.13 (UTC)

Saha sarjana lan sastradaksa. Kula piyambak temtu sampun naté mireng tembung wasis, nanging "winasis" dèrèng naté. Meursault2004^ngobrol 29 November 2015 09.30 (UTC)

Kula namung urun rembung sakedhik, saénipun sadèrèngipun numrapaken éwah-éwahan ageng dipunrembug rumiyin. Dados dhasaripun langkung kiyat. Pancèn, kula akèni, menika asring dados radi dangu.

Miturut http://www.sastra.org/telusuri tembung sastradaksa namung dipunpanggihi ing 2 lokasi lan kekalihipun ing bausastra. Tembung sarjana ing 288 lokasi lan tembung winasis ing 71 lokasi. Meursault2004^ngobrol 29 November 2015 09.43 (UTC)

Katingalipun saking lokasi-lokasi ing sastra.org menika "winasis" tegesipun ilmuwan non-formal lan "sarjana" ingkang formal. Meursault2004^ngobrol 29 November 2015 09.50 (UTC)

Inggih Pak. Bab winasis, sastradaksa, lan sarjana punika sampun kula rembug kaliyan Mas @Adhi Kurniawan: kanthi rujukan bausastra Indonesia-Jawa déning Utomo 2015 nanging, nyuwun pangapunten awit kaluputan kula, boten dipunserat wonten ing riki. Sajatosipun wau badhé nrapaken tembung sarjana nanging katingal ambigu amargi tembung sarjana sapunika ugi mangku teges lulusan pawiyatan luhur, déné sastradaksa awis sanget wonten ing karya serat. Cahyo Ramadhani ^pirembagan 29 November 2015 16.26 (UTC)

Inggih mboten punapa-punapa. Kula ugi sampun mriksa, dados sampun dhong asalipun saking pundi. Meursault2004^ngobrol 29 November 2015 17.19 (UTC)

Dados punika ngagem sarjana menapa winasis kémawon, nggih Pak, bok bilih winasis kirang trep? Cahyo Ramadhani ^pirembagan 2 Desember 2015 00.05 (UTC)

Winasis babagan latar wuri agama utawa lmu

Menawi babagan winasis ingkang latar wuri agama, utawa latar wuri keèlmuan pripun nggih? Ayo semangat rek!! :) Adhi Kurniawan ^pirembagan 1 Desember 2015 16.09 (UTC)è

Mas @Adhi Kurniawan:, winasis kanthi latar wuri agama bisa digawé, contoné Kategori:Winasis Yahudi & Kategori:Winasis Muslim. Kanthi latar wuri bidang keilmuan adaté tinulis minangka pakaryané, contoné Kategori:Antropolog Walanda, Kategori:Matematikawan Jerman, Kategori:Astronom Iran, lsp.