Pasar Sayung
Pasar Sayung iku salah siji pasar tradhisional kang mapan ing Kabupatèn Demak.[1] Pasar Sayung manggon ing dalan gedhé antarané Sayung-Demak Désa Purwasari, Kacamatan Sayung, Demak.[1] Pasar kang ana ing persis pinggir dalan iki naté kobong rikala tahun 2002.[2] Kurang luwih ana 640 kios kang ludhes kena geni.[1] Para pedhagang kepeksa ngalih ing wangunan pasar anyar (Pasar Sayung saiki) kang ana ing sisih pasar kang lawas.[1] pisanan ngalih ing pasar anyar, Pasar Sayung ora ramé kaya racaké.[2] Pedhagang luwih seneng nggawé kios sementara ing pinggir kali tinimbang kudu manggon ing kios kang wis dicépakaké ing jero pasar.[2] Alesané, amérga pasaré isih sepi lan ndadèkaké dagangan ora payu.[2] Nanging saya suwé para pedhagang gelem manggoni kios ing jero pasar lan ndadèkaké pasar saya suwé saya ramé.[2] Nganti saiki Pasar Sayung isih ramé lan dadi tujuané warga kacamatan Sayung lan sekitaré kang arep blanja.[2]
Cathetan suku besut
| Artikel iki minangka artikel rintisan. Kowé bisa ngéwangi Wikipédia ngembangaké. |