Paul Friedrich
Paul Friedrich ya iku ahli antropologi saka Massachussetts, Amérikah Sarékat[1]. Paul olèh gelar BA taun 1951 lan MA saka Harvard College lan Harvard University. Sabanjuré ing Yale University olèh gelar Ph.D. taun 1957[1][2]. Dhéwéké naté nglakoni panlitian lapangan ana ing Jerman bab pangungsi Ruslan (1951), Meksiko (1955, 1966, 1970), lan Malayalam, Kerala, Indhi (1958)[1][2]. Paul wis nulis werna-werna karya akademis kaya déné Language, Context and the Imagination (1979), The Language Parallax: Linguistics, Relativism and Poetic Creativity (1986), ‘Language, ideology and political economy’ ana ing buku American Anthropologist (1989), lan Music in Russian Poetry (1997)[1]. Paul iki kawentar amarga pisumbangané ing bab basa manungsa (human language), sujarah linguistik, mitos klasik, lan puisi ing bebrayan Yunani lan Russia[3].
Rujukan
besut- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 252. ISBN 020364459X. OCLC 436848672.
- ↑ a b "Paul W. Friedrich, anthropologist and linguist, 1927-2016". UChicago News (ing basa Inggris). 2016-08-19. Dibukak ing 2018-01-11.
- ↑ Friedrich, Paul; Pesmen, Dale. "A Conversation with Paul Friedrich". Annual Review of Anthropology. 43 (1): 15–26. doi:10.1146/annurev-anthro-102313-025821.