Pelécéhan sèksual

Pelécéhan sèksual yaiku tindak-tanduk pendekatan-pendekatan kang ana gegayutane karo seks kang ora dikarepake, kalebu panjalukan kanggo nindakaké seks, lan tindak tanduk liyané kang kanthi verbal utawa fisik ngrujuk ing seks.

Pelecehan sèksual bisa kedadeyan ing ngendi baé, tuladhané ing papan panggonan umum kaya ta bis, pasar, sekolah, kantor, lan ing papan panggonan kang asifat pribadi kaya ta omah.

Ing kedadeyan pelecehan sèksual lumrahé ana 10 persèn tetembungan pelecehan, 10 persèn intonasi kang nuduhake pelecehan, lan 80 persèn non verbal.

Pelaku lan kurban

Sanajan kanthi umum wong wadon kerep éntuk sorotan minangka kurban pelecehan sèksual, nanging pelecehan sèksual bisa dialami sapa baé. Kurban pelecehan sèksual bisa wong lanang utawa wong wadon. Kurban uga bisa lawan jinis saka pelaku pelecehan utawa kanthi jinis kelamin kang padha.

Pelaku pelecehan sèksual bisa sapa baé, ora deleng jinis kelamin, umur, pendhidhikan, nilei-nile budaya, nile-nile agama, warga nagara, latar belakang, lan status sosial.
Kurban saka tindak-tanduk pelecehan sèksual dikongkon supaya nyathet saben kedadeyan kalebu identitas pelaku, lokasi, wektu, panggonan, seksi lan prilaku kang ditindakake dianggep ora nyenengake. Sarta nglaporake ing pihak kang duwé wewenang.
Saksi bisa dadi sawijing wong kang krungu utawa deleng kedadeyan utawa sawining wong kang diinformasekake ngenani kedadeyan nalika kedadeyan mau kelakon. Kurban uga dikongkon supaya nuduhake tindak-tanduke kang ora seneng pelecehan sèksual.

Pelecehan sèksual ing kantor

Pelecehan sèksual ing kantor manawa bisa kedadeyan nalika:

Kaputusan ngenani kepegaweyan individu tertamtu digawé amarga individu mau nindakaké utawa nolak pendekatan-pendekatan sèksual ing gaweyane. Dudutan-putusan kepegaweyan tuladhané kang ana gegayutane karo promosi, penghargaan, pelatihan, lan keuntungan-keuntungan liyané.
Panolakan ngenani pendekatan sèksual kang kanthi ora masuk akal mrabawani panilenan pekerjaan individu utawa nyipta lingkungan kerja kang ngintimidasi, kasar, utawa kebak tekanan liyané.

Macem-macem tindak-tanduk kang digolongake ing pelecehan sèksual ing kantor

Lelucon seks, nggoda kanthi terus-terusan ngenani babagan kang ana gegayutane karo seks kanthi kanthi langsung utawa lumantar médhia kaya ta surat, SMS, utawa surat-e.
Panyiksan kanthi verbal ngenani babagan kang ana gegayutane karo seks.
Nyekel kanthi ancas sèksual.
Sacara bola-bali ngadek cedhak banget utawa nganti sesenggolan badhan.
Sacara bola-bali ngongkon sawijining wong supaya sosialisasi ing njaba jam kantor sanajan wong kang dkongkon wis kandha yèn ora gelem.
Menehi paweweh utawa ninggal barang-barang kang bisa ngrujuk ing seks.
Sacara bola-bali nuduhake tindak-tanduk kang ngarah ing hasrat sèksual.
Anggawe utawa ngirimake gambar-gambar, kartun, utawa material liyané kang ana gegayutane karo seks lan yèn dirasakake nglanggar etika/ batas.
Ing njaba jam kerja meksa kanthi ajakan-ajakan kang ana gegayutane karo seks kang ana ing lingkup gaweyan.

Pencegahan

Lumrahé apike pegawe ngindari lelungan ijèn lan ora nyambut gawé lembur dhèwèkan ing wayah bengi. Yèn ana keperluan ing jaba jam kantor. Sanajan ora ana jaminan yèn sesandhangan katutup bakal aman saka tindak-tanduk pelecehan sèksual, nanging kodhe etik sesandhangan kanthi profésional lan tindak-tanduk kang profésional ing kantor dikongkon supaya ngindari kedadeyan kang ora dikarepake.

Wewacan

Sorenson, Susan B. (1997). Violence and Sexual Abuse at Home: Current Issues in Spousal Battering and Child Maltreatment, New York: Haworth Press. ISBN 1-56024-681-2.
Leigh Ann Reynolds. "People with Mental Retardation & Sexual Abuse. The Arc Q & A", Arc National Headquarters, 1997
Baladerian, N. (1991). "Sexual abuse of people with developmental disabilities". Sexuality and Disability. 9 (4): 323–335. doi:10.1007/BF01102020.
Sobsey, D.(1994). Violence and Abuse in the Lives of People With Disabilities: The End of Silent Acceptance? Baltimore: Paul H. Brookes Publishing Co. ISBN 978-1-55766-148-7
Sobsey D. and Varnhagen, C.(1989). "Sexual abuse and exploitation of people with disabilities: Toward Prevention and Treatment". In M. Csapo and L. Gougen (Eds) Special Education Across Canada (pp. 199–218). Vancouver Centre for Human Developmental Research
Valenti-Hien, D. and Schwartz, L.(1995). "The sexual abuse interview for those with developmental disabilities". James Stanfield Company, Santa Barbara: California.