Penyakit Mulut lan Kuku (PMK)

Penyakit mulut (cangkem) lan kuku umume kaaran PMK (ing Indonesia: Penyakit Mulut dan Kuku; ing Inggris: foot and mouth disease utawa FMD), yaiku lelara nular kang disebabake dening infeksi virus Apthae epizotika. Lelara iki dialami para kéwan kang duwèni kuku belah utawa sigar tengah, kaya ta sapi, wedhus, lan babi.

Penyakit Mulut dan Kuku
Jeneng liya	PMK
Kuku kéwan kang kéna PMK
Specialty	Infectious disease
Gejala	Tatu ing lambé, ilat, gusi, lan kuku sisih njero, ora doyan mangan, demam, ngiler, cangkemé abuh
Sebab	virus Apthae epizotika
Cara nyegah	vaksinasi
Pangobatan	antibiotik lan desinfektan

Tandha-tandha

Lelara PMK duwéni manéka tandha kang ana ing sapi utawa kéwan liyané kang nunggal jinis, yaiku:

• Tatu kang ana ing lambé, ilat sisih njero, gusi, pipi, lan kuku sisih njero.
• Kéwan ora doyan mangan
• Demam
• Ngiler
• Cangkemé abuh lan ing cethak ana tatu werna abang.

Tamba

Anggoné nambani kéwan kang nandhang lelara PMK yaiku kanthi cara menehi antibiotik lan desinfektan marang tatu kang ana supaya ora dadi infeksi sekunder.

Carané Nyegah

Lelara PMK kang banget cepet anggoné nyebar bisa dicegah kanthi cara ing ngisor iki:

• Vaksinasi
• Njaga karesikan kandhang
• Asring ngresiki kuku kéwan
• Njaluk pituduh dokter kéwan carané ngrumat kéwan kang kena PMK supaya ora nulari liyané.