Pranala interwiki

Pranala interwiki (W-link) iku fasilitas kanggo gawé pranala menyang manéka wiki ing World Wide Web. Naraguna wiki ora perlu ndèkèk URL wutuh (kaya déné ing kaca jaringan lumrahé), nanging nganggo sténo sing mèmper pranala ing sajeroning wiki sing padha (pranala intrawiki).

Gambar layar sing nuduhaké pambusaking pranala interwiki

Ora kaya jeneng dhomain ana ing Internèt, ing donya iki durung ana pratélan sing gumathok ngenani ater-ater interwiki, mula baku wiki kudu mratélakaké dhéwé map interwiki (InterMap) sing jumbuh karo kabutuhan dhéwé. Naraguna wiki lumrahé kudu nggawé akun séjé ing saben wiki sing dianggo (kajaba nedya mbesut minangka anomim). Ananing variasi ing format lan tata rakit tèks bisa nyukertani transisi saka wiki siji menyang liyané.

Sarana nggawé pranala wiki dadi luwih prasaja kanggo ditik déning anggota sawenèh paguyuban, fitur iki nggayutaké manéka wiki sing béda-béda luwih cedhak.

Pratélan tetembungan

Ana ing ngisor iki tembung-tembung Jawa sing dianggo ing artikel iki, dikanthèni jarwané ing basa Inggris.

1. ater-ater - prefix
2. ditik - to be typed
3. baku wiki - owner of wiki
4. gambar layar - screenshot
5. jeneng dhomain - domain name
6. kaca jaringan - web page
7. mratélakaké - to define
8. naraguna - user
9. nyukertani - to hinder
10. prasaja - simple
11. pratélan - list
12. sténo - shorthand
13. tata rakit - layout