Pringles

Pringles ya iku mèrek panganan ringan awujud keripik saka kentang lan gandum sing bisa ditumpuk didhuwèni déning Kellogg Company. Awalé dipasaraké minangka "Pringles Newfangled Potato Chips", Pringles iku didhol ing punjul saka 140 nagara, lan dadi panganan ringan paling kawentar kapapat sawisé Lay's, Doritos lan Cheetos ing taum 2012, sing saham pasar globalé  2.2%, dibandingaké karo sahamé Lay's sing tekan 6.7%. Panganan ringan iki baka mulané dikembangaké déning Procter & Gamble (P&G), sing awalé ngedhol produké ing taun 1967. P&G ngedhol mèrek pangan iku mau menyang Kellogg's ing taun 2012.

Sajarah

Pringles sing pisanané didhol ing taun 1967, uiws disebaraké ing sanagara awit taun 1975, lan kawanuhaké ing jaban rangkah ing taun 1991. P&G kepéngén gawé keripik sing pas kanggo ngadhepi sambatané sing tuku bab keripik kenthang sing gampang remuk, minyaken, lan apek, karo akèhé angin ing jero plastik. Ayahan iku mau diemban karo kimiawan Fredric Baur, sing, saka taun 1956 tekan taun 1958, gawé Pringles’ awujud palana adonan sing digoreng, lan karo wadahé sing awujud kalèng.