Quneitra (utawa Al Qunaytirah, Qunaitira, Kuneitra; Arab: القنيطرة‎) iku sawijining kutha sing sapérangan gedhé wis ancur lan ditinggal sing ndunungi lan papané ana ing Suriah kidul-kulon. Kutha iki sajatiné ibukutha kagubernuran Quneitra ing sawijining lebak ing Dataran Dhuwur Golan ing kadhuwuran 1.010 mèter. Quneitra diadegaké déning yasané Kakaisaran Ottoman minangka enggon lèrèn kanggo kafilah sing menyang Damaskus. Sawisé iku kutha iki dadi kutha garnisun mawa sing ndunungi 20.000 jiwa sing enggoné stratégis cedhak garis gencatan senjata karo Israèl.

Ing tanggal 10 Juni 1967, ing dina pungkasan Perang Enem Dina, Quneitra direbut Israèl. Banjur sawisé iku direbut bali déning Suriah ing taun 1973 nalika Perang Yom Kippur, nanging but Israèl bisa ngrebut bali manèh. Kutha iki mèh rusak kabèh sadurungé dibalèkaké déning Israèl ing sasi Juni 1974. Saiki papané ana ing zona démilitarisasi PBB (United Nations Disengagement Observer Force (UNDOF)) cedhak wates de facto antara Israèl lan Suriah. Israèl naté dikritik tajem déning PBB amarga ngrusak kutha iki. Sawalikané Israèl uga ngritik Suriah amarga ora ngrénovasi Quneitra.

Status pulitik besut

Quneitra iku ibukutha Kagubernuran Quneitra, satunggaling tlatah ing kidul-kuloné Suriah sing tlatahé ya iku kabèh tlatah Dataran Dhuwur Golan. Kutha Quneitra iku ing pérangan Golan sing dikuwasani Suriah. Israèl ngeklaim Dataran Golan sing dikontrol nangin ora diakoni déning Donya Internasional lan tlatah iku dianggep tlatah pendhudhukan miturut hukum internasional.