Républik Maluku Kidul

Républik Maluku Kidul utawa Républik Maluku Selatan (RMS) ing basa Melayu iku nagara sing naté diproklamasèkaké kanthi unilateral ing Ambon ing tanggal 25 April 1950 déning Manuhutu. Karepé supaya bisa pisah lan mardika saka Républik Indonésia. Pamaréntah pusat ing Djakarta tumindhak kanthi keras. Para pambaléla bisa kasil ditumpes déning TNI. Kolonèl Ignatius Slamet Rijadi sing asalé saka Surakarta palastra ing Ambon nalika iku. Mr. Soumokil lumayu menyang pulo Séram lan mbanjuraké perang gerilya nganti kecekel ing taun 1962.