Robert Burns
Robert Burns ya iku penyair saka Sekotlan.[1] Dhèwèké lair ana Alloway, Sekotlan, tanggal 25 Januari 1759.[1][2] Wong tuwané, William Burnes lan Agnes Broun, ya iku tani nanging péngin anaké éntuk pawiyatan kang becik.[1][2] Dhèwèké banjur sregep maca.[2] Pakaryane Alexander Pope, Henry Mackenzie, lan Laurence Sterne nuwuhaké insprirasine.[2] Handsome Nell kanggo Nellie Kilpatrick ya iku lagu sepisanan sing dhewekne gawé.[2] Dhèwèké uga sinau basa Prancis lan Alkitab.[1] Dhèwèké maca lan ngugemi cerita-cerita lan lagu tradhisional saka ibune lan Betty Davidson.[1]
| Robert Burns | |
|---|---|
 | |
| Lair | 25 Januari 1759 Alloway, Sekotlan |
| Pakaryan | Sastrawan |
| Wong tuwa | William Burnes lan Agnes Broun |
Kerja fisik abot ana perternakan kulawargané nalika enom ngunggahake kasenengane marang geguritan, alam, ombèn-ombèn, lan wedhokan kang dadi karaktere saumur uripé.[2] Dhèwèké mbojo karo Jean Amour, nanging banjur pisahan.[2] Burns émigrasi menyang Hindia Kulon karo kekasihe Mary Campbell (geguritané Higland Mary).[2] Dhèwèké omah-omah ana Sekotlan sawisé sedane Mary lan suksese terbitan kumpulan geguritané.[2] Umur 27 taun, dhèwèké kondhang nganti njaban nagara kanthi geguritané To A Louse, To A Mouse, lan The Cotter's Saturday Night.[2]