Rudolf Caracciola
Rudolf Carcciola yaiku pembalap mobil kang asalé saka Jérman, dhèwèké lair ing kutha Remagen, Jérman ing surya ping 30 wulan Januari taun 1901. Ing Jérman Rudolf duwé jeneng dawa Otto Wilhelm Rudolf Caracciola, duwé bojo jenengé Charlotte Liesen, lan sirna marga layu jalaran lara liver ing Kassel, Jérman surya ping 28 wulan Sèptèmber taun 1959.[1] Rudolf yaiku anak lanang lair saka wong tuwa kang bebara saka Itali menyang Jérman.[2] Rudolf kawit cilik wis kapéncut marang mobil balap, kabukti ing umur-umur kang ngancik remaja yaiku 15 taun Rudolf wis bisa antuk layang nyetir mobil (SIM) lan nglakokaké mobil Mercedes-Benz 16/45.[3] Saliyané kawentar minangka pembalap mobil, Rudolf uga nglakoni pakulinan munggah punthuk lan speed trials kang padha apiké kalawan balapan mobil.
| Rudolf Caracciola | |
|---|---|
 Caracciola ing Dhuwur Mobilé | |
| Kewarganegaraan |  Jerman (naturalized in Novèmber 1946) |
| Pensiun | 1952 |
| European Championship | |
| Taun aktif | 1931–1932, 1935–1939 |
| Tim | Mercedes-Benz (1931, 1935–1939) Alfa Romeo (1932) |
| Start | 26 |
| Menang | 11 |
Karir besut
Rudolf miwiti balapan mobil ing taun 1922, lan taun 1923 dadi mangsa kang penting kanggo karié jalaran Rudolf nggandhok ing tim balap Mercedes. Dhèwèké menang luwih saka satus balapan lan dadi juwara Éropa ing taun 1935, 1937, lan 1938. Rudolf menangi balapan kapisané ana ing Jérman taun 1926 saka gunggung 28 salawasé kariré. Dhèwèké kondhang minangka pembalap kang prigel ing wayah udan utawa diparabi Regenmeister utawa Rain Master.[4]
Pembalap Mercedes Generasi Kapisan besut
Rudolf Caracciola kang duwé getih Itali yaiku dadi salah sawijining pembalap generasi kapisan kanggo pabrikan mobil panah pérak utawa silver arrows kang dadi peparabe mobil Mercedes. Rudolf menang kaping enem menangi balapan Jérman kang diadani ing sirkuit Avus, Berlin taun 1926 banjur ing sirkuit Nurburgring taun 1932 kanthi nunggang Alfa Roméo lan turahané nunggang Mercedes. Gelar juwara Éropané bisa waé dibandhingaké kalawan kajuwaran Formula 1 ing jaman saiki, dhèwèké pembalap kang mumpuni ing dalan aspal kang teles tinimbang pembalap liyané, rékor préstasine kanggo dhèwèké lan mèrek mobil lan cara balapé nalika mèlu balapan rèli ing Monté Carlo, Monako taun 1930 lan 1952 dadèkaké Rudolf tansah dipuja-puji ana ngendi waé dhèwèké ana. Nanging senajan prigel balap mobil dhèwèké uga naté nemahi kacilakan ing taun 1933, 1946, lan 1952 nyebabaké tatu kang abot ana sajroning awaké.[5]
Mecahaké Rékor besut
Dina kang bakal diéling-éling déning wong kang begja nonton Rudolf Caracciola mecahaké rékor W123 Rekordwagen, vèrsi séjé pembalap mobil kang jaman semana wis kaanggep pembalap kang futuristik. Ing wektu kuwi Rudolf bisa nyandhak pédhal mobil nganti santeré 432,7 kilomèter per jam (268.9 mil per jam) lan mecahaké rékor mobil sadurungé yaiku 432,4 kilomèter per jam (268,7 mil per jam) kanthi jarak kang padha. Rékor kasebut dadi rékor kang resmi mobil kang lumayu ing dalan umum nganti dipecahaké manèh ing pungkasan taun 2017 déning mobil Königsegg Agera Archived 2020-01-23 at the Wayback Machine..[6]
Rudolf Caracciola Sajroning Taun[3] besut
- Taun 1901 Rudolf Caracciola lair ing Remagen, Jérman.
- Taun 1916 duwé SIM kanggo sepisan lan nunggang mobil sepisane Mercedes 16/45.
- Taun 1919 magang anèng pabrik mobil Fafnir ing Aix-la-Chapèllé, dhèwèké miwiti balapan, uga ing sepedhah montor ana NSU.
- Taun 1926 menangi balapan sepisané ing Berlin lan ditinton déning 230.000 uwong nunggang mobil Mercedes M128, lan diparabi Reigenmester uga dhaup kalawan Charlotte Liesen.
- Taun 1930 menangi balapan SSK, lan kasil nggayuh gelar juwara balapan munggah punthuk.
- Taun 1931 tim Mercedes diwetokaké saka kompetisi, nanging Rudolf nganggo semi resmi SSKL mennagi gelar kaloro balapan munggah punthuk bareng mitrané Wilhelm Sebastian lan SSK, uga dadi wong jaba sepisan kang menangi Milé Miglia lan nyathethaké wektu rata-rata 101,1 kilomèter per jam.
- Taun 1932 Rudolf Caracciola alihan menyan tim Alfa Roméo.
- Taun 1933 ngedegaké tim CC menganggo mobil Alfa 8C, nanging Rudolf nemahi kacilakan ing Monako nyebabaké sikil tengené dadi luwih cendhèk 5 cm lan ngliwataké sisa mangsan.
- Taun 1934 bali menyang tim Mercedes lan miwiti balapan manèh, nanging ing Fèbruari bojoné sirna marga layu jalarankejugrugan salju ing Arosa, dhèwèké menang balapan mobil ing Itali bareng Fagioli.
- Taun 1935 dhèwèké nampa gelar juwara Éropa sepisané nganggo mobil Mercedes W25B, menangi patang balapan saka pitunng balapan yaiku ing Prancis, Bèlgia, Swis, lan Spanyol dikukuhaké ing Tripoli kanthi wektu rata-rata 311,985 kilomèter per jam.
- Taun 1937 nampa gelar juwara Éropa kapindhoné kanthi mobil anyar Mercedes W125 (supercharged wolung mesin jejeg, 650 tenaga jaran, 5.6 liter), Rudolf menangi balapan ing kahanan udan deres ana Jérman lan Suwis, lan ing Livorno. Tanggal 19 Juni rabi ping pindho dhaup Alice Hoffman Trobèck randha saka Alfrèd Hoffman Trobèck, pangupiya lan kepala Hoffman La Roche Laboratorium.
- Taun 1938 tanggal 28 Januari nyathethaké wektu balap anyar yaiku 432,7 kilomèter per jam lan menangi gelar juwara Éropa kateluné.
- Taun 1939 alihan omah menyang Castagnola, gisiking Telaga Lugano.
- Taun 1946 diundang menyang balapan Indianapolis 500 mil ing Amèrika, nemahi kacilakan nganti koma.
- Taun 1952 nampa bebungah tim ing rèli Monte Carlo, nanging nemahi kacilakan manèh ing Bern nganggo mobil 300SL kang ngrampungi kariré.
- Taun 1959 Rudolf Caracciola mati ing Kassel, Jérman.
Asil Balapan Éropa besut
| Taun | Pembalam | Sasis | Mesin | 1 | 2 | 3 | 4 | 5 | 6 | 7 | EDC | Poin |
|---|---|---|---|---|---|---|---|---|---|---|---|---|
| 1931 | R. Caracciola | Mercedes-Benz SSKL | Mercedes-Benz 7.1 L6 | ITA | FRA Ret |
BEL | 27 | 22 | ||||
| 1932 | SA Alfa Romeo | Alfa Romeo Monza | Alfa Romeo 2.3 L8 | ITA 11 |
3 | 9 | ||||||
| Alfa Romeo Tipo B/P3 | Alfa Romeo 2.6 L8 | FRA 3 |
GER 1 |
|||||||||
| 1935 | Daimler-Benz AG | Mercedes W25B | Mercedes 4.0 L8 | MON Ret |
FRA 1 |
BEL 1 |
GER 3 |
SUI 1 |
ITA Ret |
ESP 1 |
1 | 17 |
| 1936 | Daimler-Benz AG | Mercedes W25C | Mercedes 4.7 L8 | MON 1 |
GER Ret |
SUI Ret |
ITA | 6 | 22 | |||
| 1937 | Daimler-Benz AG | Mercedes W125 | Mercedes 5.7 L8 | BEL | GER 1 |
MON 2 |
SUI 1 |
ITA 1 |
1s | 13 | ||
| 1938 | Daimler-Benz AG | Mercedes W154 | Mercedes 3.0 V12 | FRA 2 |
GER 2 |
SUI 1 |
ITA 3 |
1 | 8 | |||
| 1939 | Daimler-Benz AG | Mercedes W154 | Mercedes 3.0 V12 | BEL Ret |
FRA Ret |
GER 1 |
SUI 2 |
3 | 17 |
Rujukan besut
- ↑ IMDB, Admin. "Jeneng Rudolf Caracciola (Saka Basa Inggris)". IMDB. Dibukak ing 2020-02-24.
- ↑ Grand Prix History, Admin. "Biografi Rudolf Caracciola (Saka Basa Inggris)". Grand Prix History. Dibukak ing 2020-02-23.
- ↑ a b Website, Official. "Dhaftar Angka Rudolf Caracciola (Saka Basa Inggris)". Rudolf Caracciola. Dibukak ing 2020-02-23.
- ↑ (Ed.) Tikkanen, Amy (2020-01-26). "Biografi Rudolf Caracciola". Encyclopædia Britannica. Dibukak ing 2020-02-23.
{{cite web}}:|last=has generic name (pitulung) - ↑ F1, Mercedes AMG. "Pembalap Legendha Rudolf Caracciola (Saka Basa Inggris)". Mercedes AMG F1. Dibukak ing 2020-02-24.
- ↑ Keilloh, Graham (2019-01-30). "Deleng Rudolf Caracciola Mecahaké Rékor Balap (Saka Basa Inggris)". Motorsport Magazine. Dibukak ing 2020-02-24.