Rusman Sutiasumarga

Rusman Sutiasumarga ingkang miyos wonten ing Sigalaherang, Subang, Jawa Kulon, inggih punika salah satunggaling sastrawan ing Indonésia.

Rusman Sutiasumarga

Biografi

Rusaman ngrampungaken sekolah ing tingkat sekolah dhasar ngantos tamat SMTP ing dhaérahipun piyambak. Salajengipun piyambakipun nerasaken sekolah ing sekolah guru nasional Taman Siswa Budi Arti lan lulus ing taun 1941. Déné riwayat padamelanipun, Rusman sampun naté dados guru SD Swasta saking taun 1941 - 1943. Lajeng wiwit taun 1943 ngantos piyambakipun pensiun ing taun 1973, piyambakipun makarya wonten ing balai pustaka dados redaktur. Kajawi dados redaktur ing balai pustaka, piyambakipun ugi mucal dados guru ing Taman Siswa ngantos taun 1984. Rusman ugi sampun naté dados dhosèn ing Fakultas Sastra Universitas Indonesia lan Universitas Res Publica utawi ingkang sapunika dados Universitas Trisakti ing mata kuliah Sastra/ Basa Sunda. Lajeng ing taun 1968, Rusman dipunkintun dhateng Jepang dados traince ing babagan damel buku atas nama penerbit Balai Pustaka Kegiatan ing babagan sastra/ basa. Lajeng ing taun 1956 dados anggota juri BMKN kanggé netepaken bebungah sastra 1955/1956 ngantos taun 1958 dados ketua komisi istilah Lembaga Basajeung sastra sunda Bandung. Ing taun 1972 dados sekretaris Panitia Pertimbangan Anugrah seni Depdikbud babagan sastra Indonesia. Lajeng ing taun 1972 ugi, piyambakipun dados anggota ngrangkep koordinator komisi Penilai Naskah Sayembara Mengarang Bacaan Remaja, kanggé nyambut taun baru internasioal 1972 Indonesia. Lajeng ing taun 1977 dados anggota Dewan Juri Sayembara Mengarang Roman, Dewan Kesenian Jakarta.

Penghargaan

Rusman Sutiasumarga sampun kaping kathah pikantuk penghargaan, kados ta:

• Ing taun 1961, pikantuk penghargaan saking LEmbaga Basa Jeungsastra Sunda kanggé cariyos cekak ingkang saé piyambak.
• Ing taun 1972, penghargaan saking Mantri Penerangan awit saking program taun buku internasional Indonesia.
• Ing taun 1977 saking Gubernur DKI Jaya awit saking kegiatanipun ingkang boten naté mandheg ing babagan kesenian sastra sunda ing DKI Jaya
• Ing taun 1977, saking pusat pembinaan dan pengembangan basa.

Asiling Karya

• yang Terhempas dan terkandas, kumpulan carkak (1951),
• ciung wanara, carita anak-anak. (1961)
• Kurban Romantik, kumpulan carkak taun (1963).
• Aneka pustaka, kumpulan pembicaraan buku taun (1974).
• Si Buncir, carita anak - anak, taun 1967.
• Papacangan, kumpulan carkak basa sunda, taun 1960.
• Cinta pertama, pertalan karya Ivan Toergenyew, taun 1972.
• Robinson Crusoe, pertalan karya Danil Defoe, bersama Haksan wirasutisna taun 1975.
• Putri Balkis, saduran taun 1966. * Kandjut Kundang, kumpulan carita prosa dan puisi basa Sunda taun 1963 sesarengan kaliyan Ajip Rosidi.