Ruth Leah Bunzel
Ruth Leah Bunzel ya iku ahli antropologi wanita saka New York City, Amérikah Sarékat, kalairan 18 April 1898[1]. Pandhidhikan Ruth saka ing Barnard College (BA) taun 1918. Sabanjuré dhèwèké olèh gelar Ph.D ing Columbia University taun 1929[1][2]. Panlitian lapangan Ruth kang wis dilakoni ya iku ing Zuni (1924), Mèksiko lan Guatemala (1930), lan Spanyol (1930)[1][2]. Karya-karyané Ruth saka panlitiané iku antarané The Pueblo Potter: A Study of Creative Imagination in Primitive Art (1929), Zuni Texts (1933), ‘The role of alcoholism in two Central American cultures’, ing jurnal Psychiatry (1940), lan Chichicastenango, a Guatemalan Village (1952)[1][2]. Bunzel iki minangka anak bimbingané Franz Boas lan miwiti panlitian pertamané ing bebrayan Indian Pueblo[3]. Dhèwèké dadi pelopor ing bab nggabungké kajian seni (kagunan) karo psikologi individual[1].
Rujukan besut
- ↑ a b c d e Amit, Vered. Biographical Dictionary of Social and Cultural Anthropology. London: Routledge. kc. 111. ISBN 020364459X. OCLC 436848672.
- ↑ a b c "Ruth Leah Bunzel". www.jewishvirtuallibrary.org (ing basa Inggris). Dibukak ing 2017-12-20.
- ↑ "Ruth Leah Bunzel | Jewish Women's Archive". jwa.org (ing basa Inggris). Dibukak ing 2017-12-20.