Sapi perah

Sapi susu utawa sapi perah ya iku sapi sing diternak kanthi cara mligi amarga dayané kanggo ngasilaké susu sing gunggungé gedhé. Sapi susu ya iku varieties saka spesies Bos taurus.

Sapi Holstein. Sapi perah kanthi ciri-ciri  pentil susu sing katon cetha  lan otot daging luwih sithik katandhingake  sapi daging.

Ing sajarah, antarané sapi susu lan sapi daging ora duwé beda sing jelas, déné babon sing padha bisa digunakaké kanggo ngasilaké sapi sing ngasilaké susu (sapi wadon) utawa daging (umume sapi lanang) . Saiki, ngrembakakaké sapi luwih mligi kanthi cara sèléksi gawéan kanggo ngasilaké sapi varieties khusus sing bisa ngasilaké susu ing jumlah gedhé.

Cara ngelola

Sapi ing Maryland, Amerika Serikat sing diingu kanthi  jelajah bébas

Sapi susu bisa diangon déning petani utawa diingu ing kandhang kanthi cara komersial, ing usaha ternak susu. Ukuran ternak lan gunggung sapi susu bisa beda-beda miturut ambané panggonan lan struktur sosial. Ing Selandia Baru, gunggung sing duwé sapi susu rata-rata 375 buntut saben sing ternak. Ing Australia, gunggung sing duwé sapi susu rata-rata 220 buntut saben sing nernak. Ing Inggris, ana rong yuta buntut sapi susu kanthi rata-rata sing nduwé 100 buntut. Ing Amérikah Sarékat, gunggung sing nduwé sapi beda-beda antarané salusin nganti 15000 buntut. Déné ing Indonesia, sing nduwé sapi susu rata-rata mung 4 buntut saben sing ternak.