Semanggi Surabaya
Semanggi Surabaya
Semanggi Surabaya utawa uga kondhang diarani Pecel Semanggi yaiku salah sawijine panganan khas Kutha Pahlawan, Kutha Surabaya. Panganan iki digawe teka godhong semanggi sing didang utawa digodhog bari ngunu diwènèhi bumbu pecel lan ogak kelalen gandhengane karo Krupuk Puli. Bumbu pecel sing ana sajrone Pecel Semanggi iku rada béda ambek bumbu pecel sing lumrah kaya liyane, rasané rada legi lan legit merga nganggo campuran tela lan bumbu khasé Jawa Timur yaiku petis.
Miturut para warga sing dodolan Pecel Semanggi iki, panganan iki wiwit ana kawit taun 1960an[1]. Cara dodol Pecel Semanggi iki modhelane kaya dodolan rujak petis, uwong tuku bisa mesen miturut karepe dhewe-dhewe; isa njaluk pedhes, isa jaluk ora nganggo petis isa njaluk manut kekerapane kaya apa. Iku uga sing mbedakna Pecel Semanggi ambek pecel liyane sing lumrah didol ana laladan Jawa Timur sing lumrahe bumbune wis dijur, wis dadi gari nyuntak nang janganané.
Semanggi Surabaya iki pancen dadi panganan sing lumayan kondhang nganti digawe dadi lagu yaiku "Semanggi Suroboyo" (panulisan basa Indhonésiya).[2]
Cara nggawe Pecel Semanggi[3]
Bahan bumbon:
Bawang, brambang, lombok, kencur, uyah, petis, gula jawa, kacang, tela rambak, banyu.
Janganan:
Kangkunng, cambah, semanggi.
Jangkepan:
Krupuk puli.
Cara:
- Godhog utawa dang kabeh janganan nganti mateng.
- Goreng kabèh bumbu kejaba tela sing didang utawa digodhog.
- Uleg utawa giling kabèh bumbu mau, tambahi banyu bari ngunu godhog bumbu sing wis alus.
- Tambahi uyah lan petis sacukupé, masak nganti tanek lan kenthel.
- Cepakna janganan, suntek bumbu, pungkasan tambahi krupuk puli neng dhuwure.
- Pecel Semanggi siyap dipangan.
- ↑ authorlink, authorlink (2022). "Pecel Semanggi". Budaya Kita.
- ↑ "Semanggi Suroboyo". Wikipedia bahasa Indonesia, ensiklopedia bebas (ing basa Indonesia). 2023-06-17.
- ↑ Fimela.com (2022-12-10). "Resep Pecel Semanggi, Makanan Legendaris khas Surabaya". fimela.com (ing basa Indonesia). Dibukak ing 2024-09-07.