Sendhang

Sendhang iku sumur utawa sumber banyu kang gedhé, lan di manfaatké déning warga désa minangka padusan lan papan ngangsu utawa njupuk banyu digawa mulih saperlu kanggo adus lan ngombé. Piranti utawa wadhah banyu nalika ngangsu tumrap wong wadon wujud klenthing, ya iku sajinis wadhah sing digawé saka lempung lan cara nggawané digéndhong ing bangkèkan.

Sendhang asring dianggep panggonan kang kramat déning warga désa. Amarga saka iku kerep dadi papan nganakaké sedekah désa wujud slametan bubar panèn.