Serat Sabdatama
Serat Sabdatama ya iku satunggaling serat ingkang dipunanggit déning R. Ng. Ronggowarsito. Serat Sabdatama punika ngemot piwulang saha pitedah kanggé gesangipuntiyang, supados manungsa boten nindakaken laku ingkang ala.
- Sabda punika tegesipun guneman, pitedah utawi piwulang. manawi Tama tegesipun utami, saha wigati. Saéngga, tegesipun Sabdatama inggih punika pitedah ingkang utami.
Wosing Serat Sabdatama besut
Wikibooks gadhah buku kanthi sesirah
Gambuh
- Rasaning tyas kayungyun
- Angayomi lukitaning kalbu
- Gambir wanakalawan hening ing ati
- Kabekta kudu pitutur
- Sumingkiring reh tyas mirong
- Den samya amituhu
- Ing sajeroning Jaman Kala Bendu
- Yogya samyanyenyuda hardaning ati
- Kang anuntun mring pakewuh
- Uwohing panggawe awon
- Ngajapa tyas rahayu
- Nyayomana sasameng tumuwuh
- Wahanane ngendhakke angkara klindhih
- Ngendhangken pakarti dudu
- Dinulu luwar tibeng doh
- Béda kang ngaji mumpung
- Nir waspada rubedane tutut
- Kakinthilan manggon anggung atut wuri
- Tyas riwut ruwet haruhara
- Korup sinerung agoroh
- Ilang budayanipun
- Tanpa bayu weyane ngalumpuk
- Sakciptane wardaya ambebayani
- Ubayane nora payu
- Kari ketaman pakewoh
- Rong asta wus katekuk
- Kari ura-ura kang pakantuk
- Dandanggula lagu palaran sayekti
- Ngleluri para leluhur
- Abot ing sih swami karo
- Galak gangsuling tembung
- Ki Pujangga panggupitanipun
- Rangu-rangu pamanguning reh harjanti
- Tinanggap prana tumambuh
- Katenta nawung prihatos
- Wartine para jamhur
- Pamawasing warsita datan wus
- Wahanane apan owah angowahi
- Yeku sansaya pakewuh
- Ewuh aya kang linakon
- Sidining Kala Bendu
- Saya ndadra hardaning tyas limut
- Nora kena sinirep limpating budi
- Lamun durung mangsanipun
- Malah sumuke angradon
- Ing antara sapangu
- Pangungaking kaanan wus mirud
- Morat-marit panguripaning sesame
- Sirna katentremanipun
- Wong udrasa sak anggon-anggon
- Kemang isarat lebur
- Bubar tanpa daya kabarubuh
- Paribasan tidhem tandhaning dumadi
- Begjane ula dahulu
- Cangkem silite angaplok
- Ndhungkari gunung-gunung
- Kang geneng-geneng padha jinugrug
- Parandene tan ana kang nanggulangi
- Wedi kalamun sinembur
- Upase lir wedang umob
- Kalonganing kaluwung
- Prabanira kuning abang biru
- Sumurupa iku mung soroting warih
- Wewarahe para Rasul
- Dudu jatining Hyang Manon
- Supaya pada emut
- Amawasa benjang sajeroning taun
- Windu kuning kono ana wewe putih
- Gegamane tebu wulung
- Arsa angrebaseng wedhon
- Rasa wes karasuk
- Kesuk lawan kala mangsanipun
- Kawises kawasanira Hyang Widhi
- Cahyaning wahyu tumelung
- Tulus tan kena tinegor
- Karkating tyas katuju
- Jibar-jibur adus banyu wayu
- Yuwanane turun-temurun tan enting
- Liyan praja samyu sayuk
- Keringan saenggon-enggon
- Tatune kabèh tuntun
- Lelarane waluya sadarum
- Tyas prihatin ginantun suka mrepeki
- Wong ngantuk anemu kethuk
- Isiné dinar sabokor
- Amung padha tinumpuk
- Nora ana rusuh colong jupuk
- Raja kaya cinancangan angeng nyawi
- Tan ana nganggo tinunggu
- Parandene tan cinolong
- Diraning durta katut
- Anglakoni ing panggawe runtut
- Tyase katrem kayoman hayuning budi
- Budyarja marjayeng limut
- Amawas pangesthi awon
- Ninggal pakarti dudu
- Pradapaning parentah ginugu
- Mring pakaryan saregep tetep nastiti
- Ngisor dhuwur tyase jumbuh
- Tan ana wahon winahon
- Ngratani sapraja agung
- Keh sarjana sujana ing kewuh
- Nora kewran mring caraka agal alit
- Pulih duk jaman runuhun
- Tyase teteg teguh tanggon