Setya Novanto nabrak togor
Setya Novanto nabrak togor ya iku kedadéan nabraké mobil kang ditumpangi déning Ketua DPR Setya Novanto ing Dalan Permata Berlian, Jakarta, 16 Novèmber 2017 wengi. Prastawa iki dadi ramé ing parembugan amarga ing wektu kuwi, Setya Novanto lagi dadi beburoné KPK ing prakara korupsi KTP Elektronik[1] lan dina sadurungé kawartaaké ilang nalika dijujul-peksa déning KPK.[2]
Kronologi
besutKedadéan iki wiwité saka Setya Novanto kang sanajan dadi beburon, nanging nyaguhi ngayahi wawancara ing kantor Metro TV ing Kedoya, Kebon Jeruk, Jakarta Kulon. Tetunggangan Toyota Fortuner werna ireng nomer B1372ZLO kang disupiri déning jurnalis Metro TV Hilman Mattauch dumadakan oling, nyénggol wit ing pinggir dalan banjur nabrak togor. Saka katerangan para seksi, sopir Fortuner mau kurang konsentrasi amarga disambi rerembugan karo Setya Novanto.
Saka kedadéan iki, mobil Fortuner ngalami kerusakan rupa kap ngarep péyok, pèlek ngarep pecah, lan sapérangan kaca uga pecah. Déné Setya Novanto, nandang tatu ing sirah, semaput banjur digawa menyang Rumah Sakit Permata Hijau.[3] Déné pengacara Fredich Yunadi awèh katrangan menawa sirahé Setya Novanto abuh sagedhéné bakpao[4] lan ngalami gagar otak.[5]
Kontrovèrsi
besutMasyarakat kang sawatara wektu mangertèni Setya Novanto kang tansah éndha nalika bakal dipriksa KPK banjur padha uluk rembug manéka warna. Jusri Palubuhu saka Jakarta Defensive Driving Consulting (JDDC) awèh katrangan menawa nilik saka kaanan mobil Fortuner sawisé cilaka, banteré tunggangan mau ora punjul saka 20 km/jam. Panduga iki dhedhasar saka lampu ngarep kang ora pecah lan airbag kang ora mlembung. Déné racaké airbag bakal otomatis lumebung menawa nabrak kanthi kecepatan sadhuwuré 20 km/jam. Nanging dhèwèké uga ora nampik menawa sanajan ora sepira banter nanging kedadéan iku bisa gawé tatu kang abot tumrap penumpang kang ana ing larikan mburi.[6]
Saliyané iku masyarakat uga padha ngomentari kaanan togor kang ditabrak mau, déné kahanané tetep lempeng lan jejeg kaya ora ana tilas kedadéan apa-apa. Mangka saka kabar kang nyatakaké kaanan Setya Novanto nandang tatu abot, masyarakat padha duwé panduga menawa prastawa iki mung dadi rerékan Setya Novanto kanggo éndha saka ukuman. Rong wulan sadurungé kedadéan iki, Setya Novanto uga gawé ramé amarga awèh alesan ora bisa netepi panyeluké KPK amarga merga lagi lara lan nginep ing ICU kanthi bukti poto Setya Novanto ing ICU.[7]
Masyarakat Anti Korupsi Indonesia (MAKI) kang dina sadurungé gawé sayembara bakal awèh bebungah 10 yuta marang sapa kang bisa nemokaké Setya Novanto[8] banjur nyatakaké bebungah mau bakal disumbangaké marang bocah yatim[9]dènè sadurungé nyatakakém enawa bebungah mau dadi haké togor kang ditabrak.[10] Saliyané iku ing médhia sosial uga padha ramé nulis guyonan kanthi tetenger #savetianglistrik[11] lan padha gawé gambar meme kang surasané kanggo geguyonan.[12]
PLN kang ngayahi urusan bab kelistrikan uga awèh katrangan menawa togor kang katabrak mau dudu cagak kabel listrik nanging cagak lampu pepadhang umum.[13]
Toyota Fortuner kang nandang rusak kang abot uga dadi rembug déné lumayu ora sepira banter nanging pinuju cilaka bisa rusak lan gawé cilaka kang numpak. Kaanan iki dimanfangataké déning pabrikan liya kang uga gawé tetunggangan kang saèmper kanggo nawakaké gegawéané kang luwih aman, kaya ta Mitsubishi Pajero.[14]
Rujukan
besut- ↑ Media, Kompas Cyber. "KPK Masukkan Novanto dalam DPO jika Tak Menyerahkan Diri Kamis Malam - Kompas.com". KOMPAS.com (ing basa Inggris). Dibukak ing 2017-11-19.
- ↑ "Setya Novanto 'hilang', tagar #IndonesiaMencariPapah pun terbilang". BBC Indonesia (ing basa Inggris Karajan Manunggal). 2017-11-16. Dibukak ing 2017-11-19.
- ↑ Arjanto, Dwi. "Kronologi Mobil Setya Novanto Tabrak Pohon Lalu Tiang Listrik". Tempo (ing basa Indonesia). Dibukak ing 2017-11-19.
- ↑ Ikhsanudin, Arief. "Pengacara: Setya Novanto Luka Parah, Kepalanya Benjol Seperti Bakpao". detiknews. Dibukak ing 2017-11-19.
- ↑ Ikhsanudin, Arief. "Pengacara: Setya Novanto Alami Tandha-tandha Gegar Otak". detiknews. Dibukak ing 2017-11-19.
- ↑ Indonesia, CNN. "Mengukur Laju Fortuner Setnov Saat Tabrak Tiang Listrik". CNN Indonesia (ing basa Inggris). Dibukak ing 2017-11-19.
- ↑ VIVA, PT. VIVA MEDIA BARU - (2017-09-27). "Foto Setya Novanto Sakit Jadi Pergunjingan Warganet - VIVA" (ing basa Indonesia). Dibukak ing 2017-11-19.
- ↑ "Sayembara Nih, Temukan Setya Novanto Minimal Dapat Rp 10 Juta - Wartakota". Wartakota (ing basa Indonesia). Dibukak ing 2017-11-19.
- ↑ Ramdhani, Jabbar. "Duit Rp 10 Juta 'Sayembara Setya Novanto' Disumbangkan ke Yatim". detiknews. Dibukak ing 2017-11-19.
- ↑ Indonesia, CNN. "MAKI: Tiang Listrik Pemenang Sayembara Setnov Rp10 Juta". CNN Indonesia (ing basa Inggris). Dibukak ing 2017-11-19.
- ↑ Liputan6.com. "Kasihan Habis Ditabrak, Meme #SaveTiangListrik Ramai di Medsos". liputan6.com. Diarsip saka sing asli ing 2017-11-18. Dibukak ing 2017-11-19.
- ↑ "Setya Novanto Kecelakan, 9 Meme Tiang Listrik Ini Beredar, Kocak Parah! - Tribunnews.com". Tribunnews.com (ing basa Indonesia). Dibukak ing 2017-11-19.
- ↑ Rachman, Fadhly Fauzi. "Klarifikasi PLN: yang Ditabrak Novanto Tiang Lampu, Bukan Tiang Listrik". detikfinance. Dibukak ing 2017-11-19.
- ↑ "Otosia.com: Toyota Fortuner Setya Novanto Tabrak Tiang Listrik Viral, Momen Buat Promosi Mobil Ba". Otosia.com (ing basa Inggris). Dibukak ing 2017-11-19.