Soenarno Sisworahardjo

Soenarno Sisworahardjo iku panganggit kang miwiwiti pakaryané ing mangsa prakamardikan. Saliyané iku dhèwèké uga aktif ing mangsa kamardikan. Panganggit kang nduwèni jeneng cilik Soenarno iki lair ing Sukaharja, Surakarta, Jawa Tengah, ing tanggal 19 januari 1904. Dideleng saka garis silsilah bapaké (Hardjasoedarso), dhèwèké iku putuné Ngabèi Pantjabratang, Pawongan Panesu gunung ing wilayah Jatisrana, Wanagiri, Surakarta, Jawa Tengah. Nanging, yèn saka garis silsilah ibuné, dhèwèké iku putuné Ngabèi Soetasoedarso, pawongan panèwu dhistrik ing Sukaharja, Surakarta, Jawa Tengah ing mangsa papréntahan Pakubuwana X.

Panguripan

Cilikané Soenarno ora bungah jalaran nalika dhèwèké umur 2 taun, bapaké (Hardjasoedarso) séda lan ing taun 1915 simbahé, ya iku Ngabèi Soetasoedarso uga séda.