Wage Rudolf Soepratman

(Kaelih saka Soepratman)

Wage Rudolf Soepratman (Jatinegara, 1903Makassar, 1938) iku pengarang lagu kabangsan nagara Indonésia: Indonesia Raya. Laire ing Jatinegara kala taun 1903. Bapake jenengé Soepardjo, nalika iku dadi sersan ing Batalyon VIII. Soepratman seduluré ana enem, lanang siji, liyané wadon kabèh. Salah sijiné jenengé Roekijem (Rukiyem).

Wage Rudolf Soepratman
Rerincèn dhiri
Lair(1903-03-09)9 Maret 1903
Nèderlan Jatinegara, Batavia, Hindia Nèderlan
PatiAgustus 17, 1938(1938-08-17) (umur 35)
Nèderlan Surabaya, Hindia Nèderlan
BangsaNèderlan Hindia Nèderlan
Wage Rudolf Soepratman ing dhuwit Rp. 50.000,-

Nalika taun 1914 Soepratman mèlu Roekijem menyang Makassar. Ing kono disekolahaké lan diwragadi karo bojoné Roekijem, sawijining bala Walanda sing ajeneng Van Eldijk.

Soepratman sinau basa Landa ing kursus bengi, 3 taun, banjur nerusaké ing pamulangan Normal. Nalika umur 20 taun di didadèkaké guru ing sekolahan angka 2. Rong taun sabanjuré olèh dhiplomah (ijazah) Klein Ambtenaar. Soepratman banjur dipindah menyang kutha Singkang. Ing kono ora suwé, banjur njaluk mandheg lan pindah menyang Makassar manèh.

Roekijem iku seneng banget karo sandiwara lan musik. Akèh karangane lelakonan sandiwara sing kerep dipitontonake ing mes militèr. Kajaba iku, Roekijem uga pinter nabuh piyul (piyul). Kasenengane mau iku jebule nular ing adhine. Soepratman mèlu seneng maca-maca buku musik lan maen musik.