Srengéngé mlethèk
Srengéngé mlethèk, bangbang wétan, gagat ésut, utawa suryaja (cara Indonésia: matahari terbit) ya iku kedadian nalika pérangan srengéngé paling ndhuwur ketara sadhuwuré tancebing langit ing sisih wétan . Srengéngé mlethèk ora padha karo repet-repet, kedadian nalika awang-awang lekas padhang sadurungé srengéngé mlethèk sing mungkasi wayah sandékala (cara Inggris: twilight). Amarga réfraksi hawa, srengéngé dadi bisa dideleng nalika isih ana sangisoré tancebing langit. Ana panemu menawa srengéngé mlethèk lan srengéngé angslup iku ilusi optik. Srengéngé uga ketara luwih gedhi ing tancebing langit, nanging bab iki dadi ilusi optik liyané, kaya déné ilusi rembulan.
