Stuck in Love inggih punika filem sandhiwara romantis saking Amérikah Sarékat ingkang kadamel taun 2012. Filem punika dipunsutradarani Josh Boone. Piyambakipun ugi ingkang nganggit skénario. Para juru paraga ingkang kapracya maragani filem punika antawisipun Jennifer Connelly, Greg Kinnear, Lily Collins, Nat Wolff, lan Logan Lerman.[2] Stuck in Love kababar winatesan ing Amérikah Sarékat ing surya 5 Juli 2013. Wondéné ing Toronto, Kanada, filem punika kababar ing surya 9 Sèptèmber 2012.

Stuck in Love
Theatrical release poster
DisutradaraniJosh Boone
DiprodhuseriJudy Cairo
Ditulis déningJosh Boone
DibintangiJennifer Connelly
Greg Kinnear
Lily Collins
Nat Wolff
Logan Lerman
Kristen Bell
Liana Liberato
DimusikiMike Mogis
Nate Walcott
SinématografiTim Orr
Dibesut déningRobb Sullivan
Perusahaan
prodhuksi
Informant Media
MICA Entertainment
Dibabar déningMillennium Entertainment
Tanggal metu
July 5, 2013 (Amérikah Sarékat; limited)
Suwéné
96 menit
NagaraAmérikah Sarékat
BasaBasa Inggris
Kalarisan$977,671[1]

Ingkang maragani besut

Latar wingking besut

Pamundhutan gambar kanggé filem Stuck in Love katindakaken ing Wilmington, North Carolina kawiwitan wulan Maret 2012, mliginipun wonten tlatah Pasisir Wrightsville[3] lan jangkep pendamelanipun ing surya 6 April 2012.[4]

Surya 6 Maret 2012 wonten pawarta bilih Lily Collins, Logan Lerman, Liana Liberato, Nat Wolff, lan Kristen Bell sampun mratélakaken sumadya maragani filem punika. Kajawi punika, filem ugi badhé dipunsengkuyunung déning paraga cameo Stephen King, Rusty Joiner, lan Patrick Schwarzenegger.[5] Ing wulan Novèmber, filem ingkang wiwitanipun badhé ngagem sesirah Writers, dipunlih dados Stuck in Love. Ing Australia Selandia Baru, filem punika dipunbabar kanthi sesirah A Place For Me déning juru dum Becker Film Group.[6]

Sasampunipun kababar, filem punika nampi warni-warni pamanggih saking para pamirsa lan juru kritik. Rotten Tomatoes nglaporaken bilih filem punika dipunremeni déning 57% pamirsa, kanthi biji 5.9/10, dhedhasar pratélanipun 40 juru kritik.[7]

Musik pangiring besut

Varèse Sarabande mbabar musik pangiring kanggé filem kanthi sesirah Stuck in Love – Original Motion Picture Soundtrack ing format digital surya 21 Mèi, format CD dipunbabar surya 21 Mèi, wondéné vinyl ing surya 11 Juni 2013. Salebetipun musik pangirim filem punika, pranata dipunpracayakaken dhumateng Mike Mogis lan Nathaniel Walcott (saking Bright Eyes), lagu énggal At Your Door (déning Mike Mogis lan Nathaniel Walcott dipunsengkuyung Big Harp), You Are Your Mother's Child (déning Conor Oberst) lan Somersaults in Spring (déning Friends of Gemini: Corina Figueroa Escamilla, Nathaniel Walcott lan Mike Mogis). Pratélan lagu pangiring jangkep kados ingkang wonten ngandhap punika:

  1. "Home" • Edward Sharpe and the Magnetic Zeros
  2. "At Your Door" • Nathaniel Walcott and Mike Mogis featuring Big Harp
  3. "You Are Your Mother's Child" • Conor Oberst
  4. "American Man" • Rio Bravo
  5. "Polkadot" • Like Pioneers
  6. "Will You Be by Me" • Wallpaper Airplanes
  7. "I Won't Love You Any Less" • Nat & Alex Wolff
  8. "Between the Bars" • Elliott Smith
  9. "The Calendar Hung Itself..." • Bright Eyes
  10. "A Mountain, a Peak" • Bill Ricchini
  11. "Somersaults in Spring" • Friends of Gemini
  12. "Beach Baby" • Bon Iver

Rujukan besut

  1. "Stuck in Love (2013)". Box Office Mojo. 2013-07-05. Dibukak ing 2013-08-31.
  2. Kilday, Gregg (January 26, 2012). "Greg Kinnear and Jennifer Connelly to Star in 'Writers'". Hollywood Reporter. Diarsip saka asliné January 30, 2012. Dibukak ing February 4, 2012.{{cite web}}: CS1 maint: bot: original URL status unknown (link)
  3. Royal, Judy (February 5, 2012). "Greg Kinnear, Jennifer Connelly headed to Wilmington". Star News Online. Diarsip saka sing asli ing September 7, 2014. Dibukak ing February 4, 2012.
  4. Foss, Cassie (April 5, 2012). "As 'Writers' wraps, actors praise all involved". Star News Online. Diarsip saka sing asli ing September 24, 2015. Dibukak ing April 8, 2012.
  5. "Cast set for 'Writers'". Dibukak ing March 7, 2012. {{cite web}}: Check |archiveurl= value (pitulung)
  6. "Becker Film Group". Becker Film Group. Diarsip saka sing asli ing 2013-09-11. Dibukak ing 2013-08-31.
  7. "Stuck in Love". Rotten Tomatoes (Flixter). Dibukak ing July 31, 2016.

Pranala njawi besut