Surat Al Ghasyiyah

al Ghasyiyah
Barkas:Al-Ghashiya.png
Informasi
Makna	Dina piwales
Klasifikasi	Makkiyah
Surat ka	88
Juz	Juz 30
Statistik
Gunggung ruku'	1 ruku'
Gunggung ayat	26 ayat

Surat Al Ghasyiyah (basa Arab:الغاشية, al-Ġāšiyäh, "Dina piwales") iku surat angka 88 sajeroning al-Qur'an. Surat iki kagolong surat Makkiyah lan dumadi saka 26 ayat. Dijenengaké Al-Ghasyiyah kang tegesé Dina Piwales dijupuk saka tembung al-Ghasyiyah kang ana ing ayat pisanan surat iki. Sing dimaksud "Dina piwales" sajeroning surat iki ya iku dina kiamat. Surat iki minangka surat kang racaké diwaca déning Muhammad ing rakangat kapindho nalika salat dina Raya lan salat Jumat.

Tèks

بِسْمِ ٱللَّهِ ٱلرَّحْمَـٰنِ ٱلرَّحِيمِ
هَلْ أَتَاكَ حَدِيثُ الْغَاشِيَةِ ﴿١﴾ وُجُوهٌ يَوْمَئِذٍ خَاشِعَةٌ ﴿٢﴾ عَامِلَةٌ نَّاصِبَةٌ ﴿٣﴾ تَصْلَىٰ نَارًا حَامِيَةً ﴿٤﴾ تُسْقَىٰ مِنْ عَيْنٍ آنِيَةٍ ﴿٥﴾ لَّيْسَ لَهُمْ طَعَامٌ إِلَّا مِن ضَرِيعٍ ﴿٦﴾ لَّا يُسْمِنُ وَلَا يُغْنِي مِن جُوعٍ ﴿٧﴾ وُجُوهٌ يَوْمَئِذٍ نَّاعِمَةٌ ﴿٨﴾ لِّسَعْيِهَا رَاضِيَةٌ ﴿٩﴾ فِي جَنَّةٍ عَالِيَةٍ ﴿١٠﴾ لَّا تَسْمَعُ فِيهَا لَاغِيَةً ﴿١١﴾ فِيهَا عَيْنٌ جَارِيَةٌ ﴿١٢﴾ فِيهَا سُرُرٌ مَّرْفُوعَةٌ ﴿١٣﴾ وَأَكْوَابٌ مَّوْضُوعَةٌ ﴿١٤﴾ وَنَمَارِقُ مَصْفُوفَةٌ ﴿١٥﴾ وَزَرَابِيُّ مَبْثُوثَةٌ ﴿١٦﴾ أَفَلَا يَنظُرُونَ إِلَى الْإِبِلِ كَيْفَ خُلِقَتْ ﴿١٧﴾ وَإِلَى السَّمَاءِ كَيْفَ رُفِعَتْ ﴿١٨﴾ وَإِلَى الْجِبَالِ كَيْفَ نُصِبَتْ ﴿١٩﴾ وَإِلَى الْأَرْضِ كَيْفَ سُطِحَتْ ﴿٢٠﴾ فَذَكِّرْ إِنَّمَا أَنتَ مُذَكِّرٌ ﴿٢١﴾ لَّسْتَ عَلَيْهِم بِمُصَيْطِرٍ ﴿٢٢﴾ إِلَّا مَن تَوَلَّىٰ وَكَفَرَ ﴿٢٣﴾ فَيُعَذِّبُهُ اللَّهُ الْعَذَابَ الْأَكْبَرَ ﴿٢٤﴾ إِنَّ إِلَيْنَا إِيَابَهُمْ ﴿٢٥﴾ ثُمَّ إِنَّ عَلَيْنَا حِسَابَهُم ﴿٢٦

Jarwanipun

1. Apa sira wis tampa dhawuh bab dina Piwales?
2. Ing dina iku akèh awak padha konjem.
3. Padha nglakoni kangèlan lan rekasa.
4. Lumebu ing geni murub.
5. Diombeni saka sumber umob (kang panasé hangluwihi)
6. Ora padha olèh pangan, kejaba eri.
7. Ora bisa ngelemoni lan ora maregi.
8. Ing dina iku uga akèh awak padha kapénak.
9. Padha lega atiné marga anggoné nglakoni panggawé becik.
10. Manggon ana ing taman kang linuhung.
11. Ana ing kono sira ora tahu krungu pangucap ala.
12. Ing kono ana bengawané mili.
13. Ing kono ada dhamparé kang tinata dhuwur.
14. Sarta pinggan unjukan kang wus tinata.
15. Lan bantal kang jèjèr - jèjèr.
16. Apa déné babut kang gumelar.
17. Lah apa ta dhèwèké padha ora angawase marang onta kapriyé anggoné tinitahaké?
18. Lan marang langit kapriyé anggoné ginawé dhuwur?
19. Lan gunung - gunung anggoné padha diyasa?
20. Lan bumi anggoné di gelar?
21. Sira Ingsun kersakaké memulang, mulané memulang (mènèhi pepiling).
22. Sira dudu wajibè meksa marang dhèwèké.
23. Amung wong - wong kang malengos lan maido.
24. Allah bakal nyiksa kelawan siksa kang gedhé.
25. Satemene manungsa iku kabèh bakal padha bali marang ngarsaningsun (Allah).
26. Nuli padha Ingsun timbang hala becike.

Pokok-Pokok Isi

• Katrangan ngenani wong-wong kafir ing dina kiamat lan azab kang ditampakaké marang wong-wong mau
• Katrangan ngenani wong-wong kang iman sarta kaanan surga kang diparingaké marang wong iman minangka piwales
• Préntah supaya nggatèkaké kaajaiban ciptaan-ciptaan Allah
• Préntah marang Rasulullah s.a.w. supaya ngélingaké kaumé marang ayat-ayat Allah amarga panjenengané iku pawèwèh pepènget, lan dudu wong kang kuwasa marang kaimanan kaumé.

Pranala njaba

Surat Sadurungė: Surat Al A’la	Al-Qur'an	Surat Sabanjurė: Surat Al Fajr
	Surat 88