Taman Kiai Langgeng
Taman Kiai Langgeng ya iku obyek wisata taman sing dumunung ing Kutha Magelang, Jawa Tengah, diresmekèkaké tanggal 15 September 1987 déning Gubernur Jawa Tengah, H. Ismail. Sadurungé dadi taman, papan panggonan kuwi awujud lahan kritis, pasarean, sawah, lan kebon sing ora ngasilké panènan. Nanging taun 1981 diowahi dadi taman kembang kanthi amba nganti 27,5 hèktar.[1]
| Taman Kiai Langgeng | |
 Taman Kiai Langgeng | |
| Informasi tempat wisata | |
|---|---|
| Lokasi | |
| Nagara |  Indonésia
|
| Dirancang ing | Pemerintah Kota Magelang |
| Pangelola | Perusda Taman Kiai Langgeng |
| Awal pembangunan | 1981 |
| Penyelesaian | 1987 |
| Jenis objek wisata | Wisata taman |
| Luas | 27,5 Hektar |
| Fasilitas | Tanaman langka, kolam, sarana outbond |
Latar wuri
besutPanggagas panguwahan lahan kritis dadi taman kembang ya iku Drs. H. Bagus Panuntun. Jeneng "Taman Kiai Langgeng" dijupuk saka salah sawijiné ulama sing uga pejuang, laskaré pahlawan nasional Pangeran Diponegoro nalika gerilya nglawan panjajah Walanda (1825-1830). Lan lokasi iku dipilih jalaran dadi papan dunung saréané Kiai Langgeng sing tumeka saiki ésih dirumat. Obyek wisata iki digulawenthah déning badan usaha perusahaan daerah (Perusda) sing tanggung jawabé langsung marang Pamaréntah Kutha Magelang. Kanthi ngugemi konsèp Sapta Pesona Pariwisata (aman, tertib, bersih, sejuk, indah, ramah, dan kenangan), Taman Kiai Langgeng kasil ndadèkaké salah sawijiné sumber pendapatan asli daerah (PAD). Ing Taman Kiai Langgeng, para pelancong bisa ngrenani sarana kaya ta gelanggang remaja, taman lalu lintas, omah joglo, omah apung, panggung, taman dolanan, arung jeram, bianglala, becak mini, kréta banyu, jet coaster, keréta mini, komidi puter, anjungan dirgantara, lan flying fox.[2][3][4][5]
Koleksi
besutTaman Kiai Langgeng duwé sawenèh wit-witan ya iku wit-witan langka sing bisa digunakaké minangka obyek panalitèn antarané cempaka ganda (Mycelia campaca), déwa daru (Eugenia Sp), apel beludru (Diospiros Rabbola), nagasari (Mesua Ferrea), matoa (Pometia Pinata Ireigfost), ruser (Arthocarpus Sp), lan lobi-Lobi (Flacouritia Inermis Roxb). Sawenèh kéwan ing antarané baya, owa, bèbèk, lan manuk uga ana ing taman iki. Semono uga patung-patung dinosaurus ing sawenèh panggon nambah kaéndahan taman.
Uga delengen
besutRujukan
besut- ↑ Situs resmi Kota Magelang, dijupuk 17 Feb 2015
- ↑ "Situs resmi Taman Kiai Langgeng, dijupuk 17 Feb 2015". Diarsip saka sing asli ing 7 March 2015. Dibukak ing 28 April 2017.
- ↑ "Ini Magelangku, dijupuk 17 Feb 2015". Diarsip saka sing asli ing 17 February 2015. Dibukak ing 28 April 2017.
- ↑ Bangga Wisata Lokal, dijupuk 17 Feb 2015
- ↑ "Pengen Liburan, dijupuk 17 Feb 2015". Diarsip saka sing asli ing 17 February 2015. Dibukak ing 28 April 2017.
| Artikel iki minangka artikel rintisan. Kowé bisa ngéwangi Wikipédia ngembangaké. |