The Forest (filem 2016)
The Forest iku filem horor adikodrati saka Amérikah taun 2016 sing disutradarani Jason Zada lan dianggit Ben Ketai, Nick Antosca, lan Sarah Cornwell. Kanthi lakoné Natalie Dormer lan Taylor Kinney. Filem iki dibabar nalika 8 Januari 2016 ing Amérikah déning Gramercy Pictures.
Jejer besut
Filem iki akèh njupuk latar alas Aokigahara, alas ing siséh lor kulon landhesing Gunung Fuji, Jepang. Alas iki kondhang minangka jujugan saperlu ngayut jiwa.
Prosès njupuk gambar besut
Principal photography ngawiti prosès njupuk gambar nalika 17 Mèi 2015 ing Tokyo, Jepang.[1] Amarga pemerintah Jepang ora ngenakaké prosès panjupukan gambar ing alas Aokigahara, sutradarané milih alas cedhak Gunung Tara ing Serbia kanggo gantiné.[2] Prosès njupuk gambar ing Serbia èwuh amarga hawa ala, mula akèh adegan sing dijupuk gambaré ing gudhang lawas.[3]
Prosès mbabar besut
Nalika Mèi 2014, Focus Features éntuk hak saperlu ngedumaké filem.[4] Sabanjuré, nalika 20 Mèi 2015, Focus Features ngluncuraké manèh label Gramercy Pictures kanggo filem aksi, horor, lan fiksi sains, mawa The Forest dadi salah sijining filem sing dibabar.[5] The Forest digebyagaké ing Amérikah kala 8 Januari 2016.[6]
Rujukan besut
- ↑ "Filming Starts for The Forest, Starring Natalie Dormer and Taylor Kinney". comingsoon.net.
- ↑ http://www.torontosun.com/2016/01/05/chicago-fires-taylor-kinney-gets-lost-with-natalie-dormer-in-the-forest Toronto Sun- Filming
- ↑ http://www.shockya.com/news/2016/01/04/interview-jason-zada-talks-the-forest-exclusive/ Shockya Interview
- ↑ The Deadline Team (May 22, 2014).
- ↑ Petski, Denise (May 20, 2015).
- ↑ Lincoln, Ross A (September 30, 2015).