The Great Gatsby
The Great Gatsby ya iku buku roman abasa Inggris kang diripta dening F. Scott Fitzgerald. Roman iki dibabar pisanan déning Charles Scribner's Sons ing taun 1925. The Great Gatsby, buku kaping telu F. Scott Fitzgerald, minangka prestasi paling dhuwur ing karièré. Roman tuladha iki wis diakoni déning para pamiarsa. Crita saka Jay Gatsby sing sugih banget lan katresnane marang Daisy Buchanan sing ayu, pista mewah ing Long Island nganti The New York Times nyathet menawa The Great Gatsby minangka dongèng Amerika sing digawé apik ing taun 1920-an.[1]
 Edisi 1 | |
| Panganggit | F. Scott Fitzgerald |
|---|---|
| Juru samak | Francis Cugat |
| Nagara | Amérika Sarékat |
| Basa | Inggris |
| Gènre | Tragedi |
| Dibabar | 10 April 1925 |
| Pangecapan | Charles Scribner's Sons |
| Tulisan | The Great Gatsby at Wikisource |
Ringkesan
besutThe Great Gatsby minangka crita sing dicritakaké déning Nick Carraway, sing tau dadi tanggané Gatsby, lan dhèwèké nyritakaké babagan taun 1922. Nick pindhah saka Midwest menyang West Egg, Long Island. Sawisé tekan, Nick lelungan menyang West Egg kanggo ngunjungi seduluré, Daisy Buchanan lan bojoné, Tom. Ing kana dhèwèké ketemu pemain golf profesional Jordan Baker. Kulawarga Buchanan lan Jordan Baker nduweni urip kang kontras saka uripe Nick kang luwih andhap asor. Nalika Nick mulih ing wayah soré, dhèwèké weruh tanggane, Gatsby, kang lagi ngadeg ing petengan. [2]
Sawijining dina, Nick diundang kanggo ngancani Tom, bojoné Daisy sing seneng jina, ketemu karo gendakané, Myrtle Wilson, wong wadon kelas menengah sing bojoné ngoperasèkaké garasi lan dodolan bensin ing Lembah Ash, sawijining wilayah kutha sing kumuh. Sawise ketemu lan lelungan menyang kutha, Myrtle nyelokaké kanca-kanca kanggo teka mampir lan padha kabeh nginep karo ngombé ing kamar hotèlé Myrtle. Amarga padha mendem omben-omben, Tom lan Myrtle padu. Padudan mau dirampungi karo babagan Tom kang ora sengaja nglarani irungé Myrtle.
Nalika mangsa panas, Gatsby lan Nick dadi kanca. Nick lan Gatsby menyang kutha ing siji dina lan ketemu Meyer Wolfshiem, salah sijining kancane Gatsby. Ing dina sing padha, Nick ugha ngerteni carita katresnane Gatsby marang Daisy. Gatsby, tresna karo Daisy Buchanan. Dhèwèké ketemu taun sadurunge nalika dhèwèké dadi tentara nanging ora bisa bebarengan amarga dhèwèké durung duwe sarana kanggo ndhukung dhèwèké. Ing taun-taun sabanjure, Gatsby nggolek rejeki, kabeh kanthi tujuan kanggo ngentukake maneh atine Daisy. Dhèwèké tuku omah gedhe kanthi pangarep-arep yen Daisy bakal ngerti. Wektu iku ugha wektu kanggo Gatsby ketemu Daisy maneh, adhep-adhepan, lan liwat perantara Jordan Baker, Gatsby njaluk tulung marang Nick kanggo ngajak Daisy menyang omahe Nick ing ngendi Gatsby bakalan muncul.[3]
Paraga
besutNick Carraway - Narator roman kang nyeritakaké kedadéyan kang dumadi antara Gatsby lan Daisy.
Jay Gatsby - Paraga protagonis ing roman. Gatsby minangka wong lanang enom sing sugih lan nduwe omah gedong ing West Egg.
Daisy Buchanan - Seduluré Nick. wong wadon sing ditresnani Gatsby.
Tom Buchanan - Bojoné Daisy sing sugih banget.
Jordan Baker - Pemain golf amatir kang ndarbèni nada sarkastik. Dhèwèké minangka kancané Daisy. Dhèwèké dadi pacaré Nick Carraway. [4]
Adhaptasi
besutThe Great Gatsby diadhaptasi dadi filem. Versi filem pisanan saka roman iki debut ing taun 1926 minangka versi pagelaran Broadway saka Owen Davis, disutradarani dening Herbert Brenon lan dibintangi Warner Baxter, Lois Wilson lan William Powell. Banjur, ing taun 1949 sutradara Elliot Nugent Iva nggawé filem The Great Gatsby kang dibintangi déning Alan Ladd, Betty Field lan Macdonald Carey. Ing taun 1974, The Great Gatsby muncul ing layar maneh. Film iki disutradarani dening Jack Clayton lan dibintangi Robert Redford minangka Gatsby, Mia Farrow minangka Daisy, lan Sam Waterston minangka Nick Carraway. Paling anyar, The Great Gatsby disutradarai dening Baz Luhrmann ing taun 2013 lan dibintangi Leonardo DiCaprio minangka Gatsby, Carey Mulligan minangka Daisy lan Tobey Maguire minangka Nick. [5]
Rujukan
besut- ↑ Times, I. D. N.; Azasya, Stella. "7 Alasan Mengapa Novel "The Great Gatsby" Dikenal Sebagai Novel Ter-Romantis Sepanjang Masa". IDN Times (ing basa Indonesia). Dibukak ing 2021-11-25.
- ↑ "The Great Gatsby: Full Book Summary". SparkNotes (ing basa Inggris). Dibukak ing 2021-11-25.
- ↑ "The Great Gatsby Chapter 1 Summary & Analysis". SparkNotes (ing basa Inggris). Dibukak ing 2021-11-25.
- ↑ "The Great Gatsby: Character List | CliffsNotes". www.cliffsnotes.com. Dibukak ing 2021-11-25.
- ↑ Giardina, Carolyn; Giardina, Carolyn (2021-02-23). "'The Great Gatsby' Animated Feature in Development". The Hollywood Reporter (ing basa Inggris Amérika Sarékat). Dibukak ing 2021-11-25.