Wikipédia

The Prestige (novel)

The Prestige ya iku novèl kang ditokaké taun 1995, pakaryané sastrawan Inggris, Christopher Priest. Novèl iki naté diangkat dadi film déning Christopher Nolan ing taun 2006 kanti sesirah kang padha, nyritakaké saingané wong loro, kanca raket kang tansah ngalap pulih siji lan sijiné. Sesilah novèl iki dijupuk saka istilah donyané sulap. The Prestige naté nglantaraké panyeraté ngranggeh bebungah James Tait Black Memorial Prize liwat kategori fiksi paling apik lan World Fantasy Award liwat kategori novèl paling apik.[1][2][3][4][5][6][7][8]

The Prestige
First edition
PanganggitChristopher Priest
NagaraEngland
BasaEnglish
GènreScience fiction, horror fiction
PangecapanTouchstone, Simon & Schuster
Kala babar
1995
Jinis saranaPrint
Kaca404
ISBN0-671-71924-6
Peprincèn LCPR6066.R55 P74

Ringkesan

besut

Novèl iki nyritakaké wong loro, kanca raket jenengé Robert Angier lan Alfred Borden, sing padha-padha nelaténi ing pagelaran sulap. Angier iku juru main sulap saka kalangan bangsawan, éwadènè Alfred Borden namung pesulap ngisoran. Wiwitané, Angier lan Borden mbiyantu proyek-proyeké Cutter. Cutter seneng duwé anak buah pinter kaya wong loro mau. Angier lan Borden uga dikongkon sinau menyang mancanegara sing adoh. Saéngga sawijining dina bojoné Angier mati jalaran saka kaluputané Borden naleni tangané nalika pagelaran sulap. Matiné bojoné kuwi, ndadèkké Angier nesu lan ngalap pulih, sarta tansah ngincim marang Alfred Borden supaya ngakoni kaluputané. Saingan antarané wong loro iku kedlarung-dlarung, Angier mbales nyilakani Borden nganti tugel driji kiwané nalika pagelaran nankep peluru saka pistol.

Ora namung meneng, Borden uga gawé bales tumrap Angier. Ing salah sijiné pagelaran ngilangaké manuk saka kurungané, Borden nyamar dadi pamirsa lan maju ing ndhuwur panggung. Ing kono Borden gawé gara-gara kang pungkasané agawe tugel tangané salah sijiné pamirsa kang uga mèlu maju bareng dhèwèké jalaran kecocok kurungan kang lancip. Angier tambah nesu marang Borden, apa manèh dhèwèké weruh Borden nduwé pagelaran apik banget kanthi sesirah "The Transported Man" (wong bisa maleh nggon kanti wektu sakleraban) sing dimainke kanti sampurna déning Borden, saéngga Angier péngin mangerteni wadiné.

Sejatiné Cutter wis nerangaké yèn Borden nganggo wong kembar, nanging Angier ora percaya katrangan kuwi. Dhèwèké ngèyèl yèn babak "the prestige" kuwi sing metu Borden dhèwé. Pratandhané, driji kiwane Borden kang tugel.

Pungkasané disarujuki supaya Angier digolekké wong sing pasuryané meh padha, kareben bisa madhani pagelaran Borden ana ing pagelaran "The Transported Man". Nanging, manèh-manèh, Angier tetep ora bombong, amarga wong sing metu pungkasan lan mènèhi pakurmatan marang pamirsa dudu dhèwèké, nanging kembarané. Lan cilakané, "kembarané" mau seneng mendem. Kaanan kuwi dimanfaatké déning Borden kanggo ngreka daya. Ana ing salah sijiné pagelaran sabanjuré, Borden nggawé gara-gara manèh, ya iku nggeser matras kang adaté kanggo terjun Angier nalika ngilangaké awaké, saéngga sikilé tugel. Sawisé kuwi, Borden metu panggung minangka "the prestige", lan nggantung kembarané Angier sadhuwure panggung.

Sawijining dina, Angier lunga ing Colorado Spring kanggo nemoni Nikola Tesla, salah sijiné insinyur lan panemu babagan kelistrikan. Ing kana, dhèwèké njaluk digawekaké mesin kang bisa dienggo ana ing pagelaran sulap "The Transported Man" nanging, ing pungkasan dhèwèké sing metu. Tesla kasil nggawé rancangan mesin kuwi, lan bisa ndobel pribadhiné Angier, nanging ana syaraté, aja nganti ngregeti tangané. Mula saka kuwi, nalika mesin dilakokké, kudu ana salah siji sing dipatèni, lan salah sijiné tumindak minangka "the prestige".

Ndeleng kasampurnan pagelaran Angier kuwi, Alfred Borden ngongkon sadulur kembaré, Bernard Fallon (driji kiwané uga dikethok kanggo madhani Borden), kanggo nggolèk sisik melik wadiné. Nanging awit saka kuwi kacilakan nandhang marang Fallon. Fallon kang meneng-meneng lumebu ing ngisor panggung, weruh Angier lumebu peti banyu sing kekancing. Fallon ngira kuwi ora disengaja lan ngupayakaké nulungi, kangmangka wis diatur déning Angier supaya ing pagelaran kuwi dhèwèké ora ngetokké babak "the prestige". Pungkasané, kadadéan kuwi kang nyeret Fallon ing pangadilan nanging kabèh wong ngertiné Falon ya Borden. Borden saben dinané macak minangka Fallon.

Sawisé ethok-ethok mati, Angier ngganti jenengé dadi Lord Caldlow lan péngin tuku tilas mesin sing naté dienggo, lan disimpen ing pangadilan. Cutter ngeterké mesin mau ing omahé Caldlow, nanging mandahnéya kageté, jebul Lord Caldlow ora liya Robert Angier kang taksih urip.

Nalika nata mesin ing gudhangé kuwi ujug-ujug Alfred Borden teka lan nembak Angier nganggo pistolé, lan kena dadané Angier. Ing pawicaran pungkasan, Angier tembé mangerteni jebulé wadine Borden gampang banget, mung nganggo paraga liya, ya iku kembarané. Nanging Borden énggal-énggal nampik yèn wadine pagelaran kuwi larang regané, mbutuhke pangorbanan ngethok driji lan patine Fallon, sadulur kembarane, supaya pagelarané sampurna. Novèl iki dipungkasi kanti matiné Robert Angier.

Nominasi lan pangaji

besut
  • Nominasi: British Fantasy Award, 1995[9]
  • Menang: James Tait Black Memorial Prize, 1996
  • Nominasi: Bram Stoker Award, 1996[10]
  • Menang: World Fantasy Award, 1996[8]
  • Nominasi Arthur C. Clarke Award, 1996[8]

Diangkat ing film

besut
Artikel baku: The Prestige (film)

Novèl wis diangkat ing filem kang disutradarani Christopher Nolan lan digebyahaké tanggal 20 Oktober 2006 kanthi paraga Christian Bale minangka Alfred Borden lan Hugh Jackman minangka Robert Angier. Paraga liyané ya iku Michael Caine, Scarlett Johansson lan David Bowie.[11]

Pranala njaba

besut

Rujukan

besut
  1. ↑ Iffergrin, Don (October 2006). "Christopher Priest – Future events". Diarsip saka sing asli ing 22 July 2018. Dibukak ing 1 March 2007. – Christopher Priest states he created the terms in 1995.
  2. ↑ Langford, David (1996). "Christopher Priest, The Prestige". Ansible. Dibukak ing 12 July 2013.
  3. ↑ "The Prestige". Publishers Weekly. 243 (30): 226. 22 July 1996.
  4. ↑ Hand, Elizabeth (August 1997). "The Prestige". The Magazine of Fantasy & Science Fiction. 93 (2): 24+.
  5. ↑ Kirkman, Adam (30 March 2007). "Reading for Pleasure: the White Horse Publications Publisher on the Subtleties of Christopher Priest". The Bookseller. London (5274): 28.
  6. ↑ Clark, Alex (18 November 2006). "Now You See It". The Guardian. London: Guardian News and Media. Dibukak ing 11 July 2013.
  7. ↑ Levitov, Francine (May 2007). "Priest, Christopher. The Prestige". Kliatt. 41 (3): 55.
  8. ↑ a b c "1996 Award Winners & Nominees". Worlds Without End. Dibukak ing 28 September 2009.
  9. ↑ "1995 Award Winners & Nominees". Worlds Without End. Dibukak ing 28 September 2009.
  10. ↑ "Bibliography: The Prestige". Internet Speculative Fiction Database. Dibukak ing 11 July 2013.
  11. ↑ Cohen, David S. and Michael Fleming (3 October 2005). "Magic Mojo for Thesp Duo". Daily Variety. 289 (1): 1.


Dijupuk saka "https://jv.wikipedia.org/w/index.php?title=The_Prestige_(novel)&oldid=1651119"