Thomas Mann
Thomas Mann yaiku novelis lan esais saka Jerman.[1] Lair ana Lübeck, Jerman, tanggal 6 Juni 1875.[1][2] Séda ana cerak Zürich, Switserlan, tanggal 12 Agustus 1955.[1] Awit saka novèlé Buddenbrooks taun 1900, Der Tod in Venedig taun 1912, lan Der Zauberberg taun 1924, dhèwèké éntuk pahargyan Nobel Sastra taun 1929.[1][2]
Dhèwèké yaiku anak padagang lan senat Free City, Johann Heinrich Mann lan Julia da Silva Bruhns.[2] Bapake séda nlika dhèwèké umur 15 taun.[2] Sawisé tamat sekolah, dhèwèké mèlu ibune dadi klerk ana perusahaan asuransi ana Munich kang kabawah kancané bapake.[2] Banjur dhèwèké sinau sajarah, ékonomi, sajarah seni, lan sastra ana universitas lan politeknik kango siyap-siyap dadi jurnalis.[2] Dhèwèké ing Italia karo seduluré Heinrich, kira-kira 4 taun.[2] Kumpulan cerkake, Der kleine Herr Friedemann, terbit taun 1898.[2] Ana Roma, dhèwèké wiwitan nulis novèl Buddenbrooks kang banjur kondhang ana masarakat Jerman.[2]