Dlamakan

Tlapak sikil utawa dlamakan, iku pérangan ngisor sikil manungsa. Sacara anatomis, tlapak sikil sinebut aspek plantar. Permukaan kang padha karo ungulata yaiku kuku.

Dlamakan
Tlapak sikil priya (kiwa) lan wanita (tengen)
Rincian
Arteri	plantaris médhia, plantaris lateralis
Saraf	plantaris médhia, plantaris lateralis
Pengenal
Latin	planta
TA98
TA2	337
FMA	25000
Terminologi anatomi

Deskripsi

Ora kaya pérangan awak liyané, kulit tlapak sikil ora duwé wulu lan pigmen, lan duwé konsèntrasi pori kringet kang dhuwur. Tlapak sikil duwé sawatara lipatan kang kadhapur sajeroning embriogenesis lan ngandhut lapisan kulit paling kandel ing awak manungsa amarga bobot ing sakndhuwuré. Kaya tlapak tangan, pori kringet ora duwé klanjer sebasea.

Persarafan

Tlapak sikil sensitif banget ing sénggolan amarga akèhé saraf, kang marakaké sensitif ing lumah, rasa gatel lan sawatara wong nemu tlapak sikil minangka zona erogen. Sacara medhis, tlapak sikil iku papan refleks plantar, uji kang bisa nuwuhaké rasa lara amarga sensitivitasé. Tlapak sikil bisa uga dipigunakaké kanggo nyiksa.

Lengkungan

Tlapak sikil wong diwasa normal iku mlengkung. Lengkungan mau bisa gagal tuwuh ing sajeroning mangsa bocah utawa bisa warata sajeroning ngandhut lan umur tuwa kang njalari sikil warata.

Sajeroning budaya

Ing Wétan Tengah, tlapak sikil dianggep ora resik lan dianggep ngina utawa nyerang yèn kanthi kabuka nuduhaké tlapak sikil. Sajeroning budaya Kulon, sensitivitas tlapak sikil minangka sasaran itjhik-ithik utawa rangsangan sèksual.