Transoksani
Transoksani utawa Mā warāʼ al-Nahr (Arab: ما وراء النهر, pangucap cara Arab: [ˈmaː waˈraːʔ anˈnahr], tegesé 'sing ana ing sabrang kali [Oxus]') utawa Farārūd (Pèrsi: فرارود, pangucap cara Pèrsi: [fæɾɒːɾuːd], tegesé 'sabrang kali [Amudarya]') iku aran kuna kanggo sawijining laladan ing Asiah Tengah sing saiki dadi nagara Uzbèkistan, Tajikistan, Kyrgyzstan iring kidul, lan Kazakhstan iring kidul-kulon. Laladan iki ana ing antarané Kali Amu Darya (Ancient Greek: Ώξος Ốxos) lan Kali Syr Darya.[1] Wong Rum ngarani wewengkon iki Transoxania (tegesé 'tanah ing sabrang Oxus'), déné wong Arab ngarani wewengkon iki Mawarannahr (tegesé 'tanah ing sabrang kali'), lan wong Iran ngarani iki Turan, istilah sing uga dienggo ing carita Shahnameh.[2]
Laladan iki minangka salah siji wewengkon sing kabawah ing satrap (lurah) Darah Achaiménēs ing Pèrsi. Ing jaman samana, wewengkoné karan Sogdiana. Para juru ngèlmu bumi saka Arab ing jaman kuna ngarani wewengkon iki "Bilād al-Turk" utawa "Turkéstan". Leloroné mangku teges 'tanah-tanah para Turk'.[3]
Réferènsi
besut- ↑ "Transoxania (historical region, Asia)". Encyclopedia Britannica (ing basa Inggris). Dibukak ing 2017-11-10.
- ↑ Sabloff, Paula L.W. (2011). Mapping Mongolia: Situating Mongolia in the World from Geologic Time to the Present. Philadelphia: University of Pennsylvania Museum of Archaeology and Anthropology. kc. 62. ISBN 1934536180. OCLC 794700604.
- ↑ Soucek, Svat (2000). A History of Inner Asia (ing basa Inggris). Cambridge University Press. kc. 25. doi:10.1017/cbo9780511991523. ISBN 9780521657044.