Tuladha Jejeg
Tuladha Jejeg yaiku cakrik huruf aksara Jawa kang dirancang déning Taco Roorda lan digawé manèh déning R.S. Wihananto.[1][2] Cakrik huruf iki minangka rancanganing Taco Roorda rikala taun 1838 kang adhedhasar tulisan tangan aksara Jawa gagrag Surakarta wiwitaning abad ka-19 M.[1] Ing jaman Indhiya Nèderlan, cakrik huruf iki akèh dianggo déning panerbit lan pangecapan Jawa kang suwiné nganti punjul saabad.[1] Ing internèt, font kang dijenengi Wihananto aran Tuladha Jejeg iki dibundel menyang MediaWiki supaya bisa dianggo ing proyèk-proyèk Wikimédia édhisi basa Jawa.[3] Tuladha Jejeg ndarbèni huruf awujud kandel-tipis lan sawetara glif-é awujud sèrif.[1] Sapréné Tuladha Jejeg kababar ing vèrsi 2.0.1, pungkasan dianyari ing 15 Juni 2013, lan kalisènsèkaké mawa SIL Open Font License (OFL).[4] Font iki nganggo tèhnologi Graphite mula mbutuhaké panguruban fitur Graphite ing aplikasi tinamtu utawa pamasangan imbuhan pakèt amrih font-é iku bisa ka-render kanthi trep.[5][6] Font jinis OpenType kang tanpa tèhnologi Graphite dibabar ing 30 Agustus 2022 déning Fadhl Haqq.[7]
 | |
| Kategori | Sèrif |
|---|---|
| Juru rancang | Taco Roorda |
| Digawé | 1838 |
| Kang nggawé manèh | R.S. Wihananto |
| Lisènsi | OFL |
| Dirancang adhedhasar | Aksara Jawa gagrag Surakarta |
Uga delengen
besutRujukan
besut- ↑ a b c d Perdana, Aditya Bayu (2020). "Ragam Langgam Aksara Jawa dari Manuskrip hingga Buku Cetak". Manuskripta. 10 (1): 17–18. ISSN 2252-5343. Diarsip saka sing asli ing 2023-09-18. Dibukak ing 2022-10-29.
- ↑ Utami, Ema (2012). "Writing Javanese Script in HTML using Unicode True Type Font and JawaTeX". International Journal of Computer Applications. 42 (12): 16. doi:10.5120/5743-7941.
- ↑ Thottingal, Santhosh (13 Maret 2013). "Add Tuladha Jejeg font for Javanese". Wikimedia Gerrit. Dibukak ing 11 Sèptèmber 2021.
- ↑ Wihananto, R.S. "Unduh". Fonta Unicode aksara Jawa. Diarsip saka sing asli ing 2021-09-11. Dibukak ing 11 Sèptèmber 2021.
Manut dhèskripsi tanggal barkas TTF sajroning barkas ZIP
- ↑ Norbert, Lindenberg (2017), "Indic positional category for Javanese cakra" (PDF), Unicode, kc. 2
- ↑ "Applications that support Graphite". Graphite. Dibukak ing 11 Sèptèmber 2021.
- ↑ Haqq, Fadhl (30 Agustus 2022). "akufadhl/Tuladha-Jejeg-OT". Dibukak ing 29 Oktober 2022.
Pranala njaba
besut
Médhia magepokan Tuladha Jejeg ing Wikimedia Commons- Situs jaringan resmi
