Tyson Gay
Tyson Gay yaiku salah sawijining atlèt kang asalé saka Amérika Sarékat, dhèwèké lair surya kaping 9 wulan Agustus taun 1982.[1] Tyson Gay lair ing Lèxington, Kentucky lan saiki uga manggon ana ing tanah kelairané.[2] Tyson Gay yakuwi atlét kang mèlu ing cawang olah raga lumayu ing lintasan lan ing aspal nomer 4x100 mèter, dhèwèké duwé dedeg piyadeg 165 cm. Saikiné dhèwèké dilatih déning juru latih Lance Brauman lan Jon Drummond.[2]
Kauripan
besutTyson Gay anak saka wong tuwa Daisy Gay lan George Mitchell, duwé mbakyu kang jenengé Tiffany kang jalari dhèwèké péngin dadi atlét lumayu.[1] Riwayat wiyatané Tyson gay yaiku dhèwèké naté sekolah ana SMA Lafayette utawa Lafayètté High School, lan ing pawiyatan luhur Arkansas utawa University of Arkansas kanthi jupuk jurusan Ékonomi.[2]
Karir Aguna
besutTyson Gay ambyur ing donyaning atlètik sawisé dhèwèké ngrampungaké kuliyahé ana ing jurusan Ékonomi University of Arkansas. Gegladhi kang dilakoni dhèwèké kanggo ngundhakaké wiwitan lumayu kang alon biyantu Tyson bisa luwih apik tampil ing trèk lumayu, lan ing taun 2004 dhèwèké mèlu uji coba ing Olimpiadhe Athena dianggep bakal dadi salah siji atlét kang mumpuni.[3] Ing taun 2005 Tyson Gay ngrampungaké lomba ing nomer loro nomer 200 mèter kajuwaran USA Outdoor Championship. Ana taun kasebut uga dhèwèké mèlu tampil ing kajuwaran donya lan ngrampungaké ana ing nomer papat. Atlét Amérika kasebut ngrampungaké kabèh nomer ana ing nomer papat. Taun 2005 uga dadi taun kang mirunggan sebab taun kasebut Tyson Gay menang medhali emas kping pisan ing riwayat kariré.[3]
Pengalaman ing Kajuwaran Donya
besutMinangka atlét kang wis kagolong sènior, Tyson Gay wis duwèni pirang-pirang pengalaman kaya ta ing tingkat nasional lan internasional. Pengalaman ing tingkat internasional kaya déné.[4]
- Paling asring Taun 2015 – 6th (100 mèter)
- Taun-taun partisipasi: Trèk lumayu – Taun 2005, 2007, 2009, 2015 (100 mèter, 200 mèter)
- Medhali: 4 (3 emass, 1 pérak)
- Emas – Taun 2007 (100 mèter, 200 mèter, 4x100 mèter)
- Pérak – Taun 2009 (100 mèter)
Olimpiadhe
besut- Béijing 2008
Nalika Olimpiadhe Béijing 2008 diadani, atlét kang ngancik umur 29 taun nalika semana kasebut nembé nandhang cidra hamstring, saupama ora nandhang cidra dhèwèké bisa dadi calon kang bisa ngrengkuh medhali emas tinimbang atlét favorit saka Jamaika yaiku Usain Bolt lan Yohan Blaké.[5] Ing Olimpiadhe iki, Tyson Gay uga saingan kalawan mitra sanegarané yaiku Justin Gatlin kang ngasoraké dhèwèké ana ing kualifikasi kanggo lumebu Olimpiadhe wulan Juni 2008. Ing Olimpadhe kasebut Tyson Gay ora olèh medhali emas. Sawisé Olimpiadhe Béijing 2008 lan taun 2009 Tyson Gay ora mikolèhi medhali kang aji lan asring absèn ana ing kajuwaran-kajuwaran atlètiik donya jalaran nandhang cidra boyok lan kudu mulihaké kahanan awaké nanging dhèwèké ajeg jaga kasarasané lan ajeg latihan supaya tenagané ora mlorod.[5]
- London 2012
Minangka salah siji atlét kang duwèni playu paling cepet sadonya, Tyson Gay wis rumangsa mutung ing nomer lumayu 200 mèter Olimpiadhe London 2012 jalaran dhèwèké luwih milih konsèntrasi ing nomer 100 mèter, putusan kasebut kalebu wani jalaran dhèwèké pilih ninggalaké siji nomer kang cukup favorit amarga manut pètungané pikiran luwih bener. Nemahi cidra ing taun-taun sadurungé Tyson Gay ora péngin jikuk luwih akèh kalodhangan. Mangka dhèwèké luwih pilih nomer kang dianggep bisa ngasilaké medhali kanggo dhèwèké lan negarané. Sadurungé dhèwèké uga uwis nglatih awaké ana ing Orègon.[6] Nalika kualifikasi aturané yaiku rangking siiji, loro, lan telu ing saben lomba bakal lolos langsung menyang London nanging kabèh uga kalebu ing nomer 4x100 mèter rilei. Tyson Gay ing taun 2007 Kajuwaran Donya Osaka menang ing nomer 100 mèter lan 200 mèter lan lungguh ana klasemèn nomer loro, mapan ana ing buriné Usain Bolt senadyan lumayu kanthi jarak luwih cendhèk.[6]
- Rio de Janério 2016
Ing Olimpiadhe Rio de Janério 2016 yaiku dadi Olimpiadhe katelu kang dièloni déning Tyson Gay. Kanggo atlét dadi pasarta ing katélu Olimpiadhe yakuwi minangka gegayuhan kang maremaké, jalaran Olimpiadhe kasebut pesta olahraga kang diadani saben patang taun sepisan. Nanging émané ing Olimpiadhe iki tim Amérika Sarékat kang dibéla déning Tyson Gay, Justin Gatlin, lan Mike Rodgers amèh waé mangayubagya kamenangané ing lintasan lumayu, mangayubagya pikolèhan medhali perunggu, nanging ing papan wektu nuduhaké yèn tim Amérika Sarékat didhiskuwalifikasi saka lomba utawa dicorèk kanthi tulisan "DQ".[7] Sawisé didhiskuwalifikasi, medhali pikolèhan Amérika Sarékat diwènèhaké marang tim Kanadha. Tim Amérika Sarékat rumangsa getun jalaran kadadéan kang mangkono apa manèh ing ajang Olimpiadhe yaiku ajang olah raga paling gedhé sadonya banget-banget gawé wirangé , gawé getun atlét lan negarané.[7]
Bebungah
besut- Manut dhata kang kaimpun saka Liga Diamon utawa Diamond League Tyson Gay pranyata duwé kolèksi bebungah kang ora sathithik kabukti kaya kang sinebutaké ana ing ngisor iki.[8]
- Kaping telu Juwara Donya
- Sepisan World Championships Silver Medallist
- Kaping loro In Top 8 at World Championships
- Sepisan menang IAAF World Relays
- Kaping telu menang World Athletics Final
- Kaping telu World (Continental) Cup
- Sepisan World Athletics Final Bronze Medallist
- Kaping sewelas menang Diamond League Meeting
- Kaping pindho Juwara NCAA
- Kaping telu menang Golden League meeting
- Kaping lima Juwara Nasional
- Kaping pisan menang Diamond Trophy
.jpg)
Rèkor Pribadhi
besut| Lomba | Wektu (s) | Kacèk (m/s) | Kompetisi | Papan Lomba | Tanggal |
|---|---|---|---|---|---|
| 60 m jeron | 6.55 | n/a | Tyson Invitational | Fayetteville, Arkansas, Amérika Sarékat | February 11, 2005 |
| 100 m | 9.69 | +2.0 | Shanghai Golden Grand Prix | Shanghai, Cina | September 20, 2009 |
| 9.68 Cithakan:AthAbbr | +4.1 | U.S. Olympic Trials | Eugene, Oregon, Amérika Sarékat | June 29, 2008 | |
| 150 m | 14.51 | +1.5 | Great CityGames Manchèster | Manchester, Britania Agung | May 15, 2011 |
| 200 m | 19.58 | +1.3 | Adidas Grand Prix | New York, New York, Amérika Sarékat | May 30, 2009 |
| 200 m jejeg | 19.41 | −0.4 | Great CityGames Manchèster | Manchester, Britania Agung | May 16, 2010 |
| 400 m | 44.89 | n/a | Tom Jones Memorial Classic | Gainesville, Florida, Amérika Sarékat | April 17, 2010 |
Kontrovèrsi lan Ukuman
besutTyson Gay gawé para awak médhia gègèr nalika dhèwèké biwarakaké ana bebrayan yèn dhèwèké wis diukum ing taun 2013. Ukuman kasebut ditibakaké jalaran tim juru latih Tyson Gay mènèhi obat kang ngemot unsur doping utawa obta kang dipenging ana jagading olah raga, nanging dhèwèké amung diukum setaun lan kang paling gawé kagèt yaiku medhali emasé ing Olimpiadhe London 2012 dijaluk.[3]
Gladri
besut-
Tyson Gay nalika menang ing kajuwaran Liga Diamon ing Berlin taun 2009 -
Tyson Gay ing taun 2007 menang ing nomer 100 mèter -
Tyson Gay mèlu partisipasi ing lomba Mémorial van Damme -
Rujukan
besut- ↑ a b World Athletics, Admin. "Atlét Amérika Sarékat Tyson Gay (Saka Basa Inggris)". World Athletics. Dibukak ing 2020-01-26.
- ↑ a b c Team USA, Admin. "Atlét Lumayu Amérika Sarékat Tyson Gay (Saka Basa Inggris)". Team USA. Dibukak ing 2020-01-26.
- ↑ a b c Sunsigns, Admin. "Profil Kondhang lan Ambal Warsa Tyson Gay (Saka Basa Inggris)". Dibukak ing 2020-27-01.
{{cite web}}: Check date values in:|access-date=(pitulung) - ↑ Team USA. "Atlét Lumayu Trèk lan Lintasan Amérika Tyson Gay (Saka Basa Inggris)". Team USA. Dibukak ing 2020-01-26.
- ↑ a b BBC Sport, Admin (2012-01-01). "Olah Raga Olimpik (saka Basa Inggris)". BBC Sports. Dibukak ing 2020-01-26.
- ↑ a b Cherry, Gene (2012-03-31). "Atlét Olimpik Amérika Tyson Gay Ngajap Medhali ing Nomer 100 mèter Olimpiadhe London (Saka Basa Inggris)". Reuters. Dibukak ing 2020-01-26.
- ↑ a b Pells, Eddie (2016-08-20). "Olimpiadhe Rio 2016 Tim Amérika Sarékat nomer 4x100 mèter Didhiskuwalifikasi kaping Sanga sajroning 21 Taun Olimpiadhe (Saka Basa Inggris)". Independent. Dibukak ing 2020-01-27.
- ↑ Diamond League, Admin. "IAAF LIga Diamon (Saka Basa Inggris)". Dibukak ing 2020-01-27.