Udan asam

Udan asem tegesè kabèh jinis udan karo pH ing ngisor iki 5.6. udan asipat alami (pH rada ngisor 6) amarga karbon dioksida (CO ₂ ) ing udara kang larut karo banyu udan kanthi bentuk asam lemah. Asam jinis iki ing udan migunani amarga bisa mbantu mbubarakè banyu ing lemah kang dibutuhaké dèning tetanduran lan kèwan.

Mula bukané udan asem

Udan asem disebabaké déning wlirang (sulfur) kang ngandhut <i>bahan bakar fosil</i> lan nitrogen ing udara kang bisa reaksi karo oksigen kanggo mbentuk <i>wlirang dioksida</i> lan <i>nitrogen oksida</i> . Zat kasebut nyebar ing atmosfer lan bisa reaksi karo banyu kanggo mbentuk asam sulfat lan asam nitrat kang gampang larut saéngga tiba bareng banyu udan. Banyu udan kang asam kasebut bakal ningkatakè kaasaman ing lemah lan banyu ana ing permukaan kang bisa mbuktekake mbebayani kanggo kauripan iwak lan tetanduran. Upaya ngatasi iki bisa ditindakake kanthi intensif.

Sumber

Sacara alami udan asam bisa kadadeyan amarga semburan saka gunung berapi lan saka proses biologi ana ing lemah, rawa, lan sagara. Ananging, akèh-akèhè udan asam iku disebabakè dèning kagiyatan manungsa kaya ta industri, <i>pembangkit listrik</i>, <i>kendaraan bermotor</i> lan tetanduran pangolahan tetanen (utamané amonia ). Gas-gas sing diasilaken dèning proses iki bisa kagawa dening angin nganti atusan kilometer ing atmosfer sadurunge ngowahi asam lan deposit ing lemah.