Klèwèr usus

Klèwèr usus utawa apèndhik iku organ tambahan ing usus buntu. Infèksi ing organ iki karan apèndhisitis utawa radhang klèwèr usus. Apèndhisitis kang parah bisa njalari klèwèr usus pecah lan dadi nanah ing njeron gronggongan abdhomèn utawa pèritonitis (infèksi gronggongan abdhomèn).

Papané klèwèr usus (appendix)

Ing anatomi manungsa, klèwèr usus utawa ing basa Inggris, vermiform appendix (utawa mung appendix) iku pucuk buntu awangun bumbungan kang nyambung karo sèsum (caecum).

Klèwèr usus kawangun saka sèsum ing tahap èmbriyo. Klèwèr usus wong diwasa ukurané kurang luwih 10 cm nanging bisa pepak variasiné saka 2 tekan 20 cm. Éwadéné papané klèwèr usus mesthi tetep, papané pucuk klèwèr usus bisa béda-bisa ing retrocaecal utawa ing bangkèkan (pelvis) kang jelas tetep ana ing pèritoniyum.

Akèh wong percaya klèwèr usus ora migunani lan organ vestigial (sisihan), sapérangan liyané percaya manawa klèwèr usus duwé fungsi ing sistem limfatik.

Oprasi mbuwang klèwèr usus karan apèndhèktomi.

Lelara klèwèr usus biyasané ing manungsa ya iku:

• Apèndhisitis
• Karkinoid

Pranala njaba

• "The vestigiality of the human vermiform appendix: A Modern Reappraisal"—Argumen biologi evolusionaris manawa umbai cacing iku organ vestigial