Umbul Cakra

Umbul Cakra ꧌ꦲꦸꦩ꧀ꦧꦸꦭ꧀ꦕꦏꦿ꧍ salah sawijiné panggon wisata umbul sing ana ing Désa Cakra, Kecamatan Tulung, Kabupatèn Klathèn, Provinsi Jawa Tengah. Masarakat sakiwa tengen umbul biyèn ngarani Umbul Ingas jalaran tuk banyuné metu saka sela-selané wit Ingas, suwéné-suwé dadi Umbul Cakra jalaran dijupuk saka jeneng désa panggon metuné tuk banyu yaiku Désa Cakra. Miturut masarakat uga banyu ing umbul iki bisa dadi sarana kanggo olèh pitulungan, mula ora mokal yèn Kraton Surakarta uga migunakaké tuk banyu ing Umbul Cakra.

waterboom umbul cakra

Yèn lekas arep pasa wulan romadon biasa digunakaké kanggo padusan déning para wisatawan sing asalé saka ngendi-endi paran kanthi pangajab sadurungé nglakoni ibadah pasa bisa resik awak lan atiné. Saliyané iku para wisatawan bisa migunakaké fasilitas ing Umbul Cakra sing awujud.

1. Papan slulum sing langsung saka tuk sumber umbul bisa njalari segeré awak
2. Papan dolanan bocah lan anané waterboom kanthi banyu sik seger alami saka tuk umbul
3. Nyoba river tubing utawa rafting,
4. Swafoto ing sajroné banyu kanthi sesawangan ngisor kali sing cetha jalaran banyu sing resik lan bening
5. Nyoba dolanan  flying fox  lan ATV mini trail sirkuit

Jam Bukak lan Tiket

Umbul Cakra bukak saben dina wiwit saka jam 08.00 – 18.00 WIB

• Rega tiket mlebu Umbul Cakra yaiku Rp15.000 saben wong
• Rp3.000,- kanggo parkir motor
• Rp5.000,- kanggo parkir mobil

Papan Wisata Umbul ing Kabupaten Klathèn

• Umbul Buta
• Umbul Pengging
• Umbul Jalatundha
• Umbul Kroman
• Umbul Ponggok
• Umbul Mantèn
• Umbul Pluneng Tirtamulyani
• Umbul Besuki

Pratelan

• Umbul Cokro Klaten. nativeindonesia.com. Diakses pada 20 September 2023.
• Harga Tiket Masuk Mata Air Cokro Klaten. wisatakaka.com. Diakses pada 20 September 2023.
• Segarkan Diri di Wisata Umbul Cokro Tulung. klateninfo.com. Diakses pada 20 September 2023.