Valanga nigricornis

Walang kayu
Klasifikasi ngèlmiah
Karajan:	Animalia
Filum:	Arthropoda
Klas:	Insecta
Ordho:	Orthoptera
Famili:	Acrididae
Génus:	Valanga
Spésies:	V. nigricornis
Jeneng binomial
	Valanga nigricornis; (Burmeister, 1838)

Walang kayu, Valanga nigricornis ya iku jinis walang saka kulawarga Cyrthacanthacridinae sub kulawarga Acrididae. Diwedharaké déning ahli zoologi Jerman Hermann Burmeister taun 1838 nalika nemu kéwan iki ing Singapura.

Wedharan

Walang kayu duwé ukuran kang manéka warna. Lanangé watara 45-55mm, déné wadoné 15–75 mm. Walang diwasa warna coklat semu kuning, kuning utawa ijo kanthi tenger ireng semu biru^[2]. Suwiwi mburi bisa kasawang nalika walang nembé mabur.

Déné anakan walang kayu lumrahé warna ijo. Owah-owahan warna kedadèn nalika walang nom ganti kulit. Werna nalika diwasa lumrahé ngèmperi rupa karo papan uripé.

Sebaran

Walang kayu sumebar ing Thailand sisih kidul, Malaysia, Indonesia lan Filipina. Walang kayu manggon ing alas, grumbul lan kebon,^[2] lan bisa dadi ama kang wigati ing kebon klapa sawit lan karèt^[3].

Siklus urip

Lumrahé walang kayu mung urip sak turunan ing wektu setaun. Babon walang ngendhog cacah papat ing lemah kang teles. Sawusé netes, anak walang ganti kulit nganti ping 6-7 nganti dadi walang diwasa.

Walang kayu kalebu kéwan diurnal, kang seneng dhédhé ing panasan.

Walang kayu mangan gegodhongan saka manéka tuwuhan, kacathet watara 35 jinis tetuwuhan kang dipangan déning walang iki.

Sub spésiès

Walang iki kapérang dadi pira-pira sub spésiès kang sapérangan èndemik ing sawatara pulo tinamtu.

V. n. sakoemiensis
V. n. waiensis
V. n. carolinensis
V. n. disparilis
V. n. kalaotuae
V. n. nigricornis
V. n. allorensis
V. n. aroensis
V. n. australiensis
V. n. batuensis
V. n. fortis
V. n. fumosa
V. n. sumatrensis
V. n. insularis
V. n. saravakensis
V. n. keyensis
V. n. lombokensis
V. n. mangalumensis
V. n. melanocornis
V. n. moro
V. n. rammei
V. n. halmaherae
V. n. ornata

Rujukan

↑ "Valanga nigricornis (Burmeister, 1838)". Orthoptera Species File. orthoptera.speciesfile.org. Dibukak ing 2015-04-06.
↑ ^a ^b "Javanese grasshopper - Valanga nigricornis". Locust Handbook. Humanity Development Library. Dibukak ing 2015-04-06.
↑ "Valanga nigricornis (Burmeister, 1838)". The DNA of Singapore. Lee Kong Chian Natural History Museum. Dibukak ing 2015-04-07.

[speciesfile-1] "Valanga nigricornis (Burmeister, 1838)". Orthoptera Species File. orthoptera.speciesfile.org. Dibukak ing 2015-04-06.

[Handbook-2] "Javanese grasshopper - Valanga nigricornis". Locust Handbook. Humanity Development Library. Dibukak ing 2015-04-06.

[3] "Valanga nigricornis (Burmeister, 1838)". The DNA of Singapore. Lee Kong Chian Natural History Museum. Dibukak ing 2015-04-07.

[1]

[2]

[3]