Walang Kèkèk
Walang Kèkèk
Walang Kèkèk yaiku salah sawijining tembang paling kondhang sing ditembangaké déning Waldjinah. Tembang iki karipta dèning Andjar Any lan Waldjinah nalika taun 1968. Tembang iki ana sajroné albumé Waldjinah sing diwedharaké Studio Irama nalika tahun 1969.[1]
Tembang Walang Kèkèk iki ngêmot pitudhuh supaya wong lanang ora gampang nggampilake marang wong wedok. Lumantar cakepan ana sajroné tembang iki akèh sanépan sing nggambaraké kahanane wong lanang yèn nganti ora ana wong wedok.[2]
Cakepan[3]
walang kèkèk mènclok nèng ténggok
mabur manèh mènclok nèng pari
aja ngenyèk ya mas karo wong wédok
yèn ditinggal lunga setengah mati
he yo e.... ha e ya
he ya e.... ha e ya yo ya yo
manuk sriti kecemplung banyu
bengi ngimpi awané ketemu
walang abang mènclok nèng kara
walang ijo walange putih
bujang manèh ya mas ora ngluyura
sing wis duwé bojo ra tau mulih
he yo e... ha e ya
he ya e... ha e ya yo ya yo
omah gendhèng tak saponané
abot ènthèng tak lakonané
walang irêng mabur brengengeng
walang ireng dawa suthangé
yèn seneng aja mung mandeng
golèkana ngendi omahé
he yo e... ha e ya
he ya e... ha e ya yo ya yo
bisa nggambang ora bisa nyuling
bisa nyawang ora bisa nyandhing
walang kèkèk walangé kayu
walang kayu tiba nèng lemah
yèn kepingin arep mèlu aku
yèn mung trima tak kon jaga omah
he yo e... ha e ya
he ya e... ha e ya yo ya yo
walang kèkèk walangé kadung
walangé kèkèk sampun rampung
- ↑ Maharani, Nirmala Eka (2023-03-30). "Lirik Lagu Walang Kekek dan Artinya dalam Bahasa Indonesia". tirto.id (ing basa Indonesia). Dibukak ing 2024-09-11.
- ↑ Maharani, Nirmala Eka (2023-03-30). "Lirik Lagu Walang Kekek dan Artinya dalam Bahasa Indonesia". tirto.id (ing basa Indonesia). Dibukak ing 2024-09-11.
- ↑ penikmatmusikjadul (2009-03-24), Waldjinah - Walang Kekek, dibukak ing 2024-09-11