Wana Wisata Penggaron

Wana Wisata Penggaron inggih punika salah satunggaling papan wisata ingkang dumunung ing Désa Susukan, Kacamatan Ungaran Timur, Kabupatèn Semarang, kinten-kinten 2 km saking Kutha Ungaran utawi 18 km arah kidul saking Kutha Semarang. Wana wisata punika salah satunggaling wana ingkang dados alas binaan Kesatuan Bisnis Mandiri Wisata, Benih dan Usaha Lain (KBM WBU I) Perum Perhutani Unit I Jawa Tengah. Bebrayan ing Semarang padatanipun ndadosaken Penggaron kanggé papan ulah raga, jungle tracking, outbond training, gladhèn SAR kaliyan pramuka, rékréasi, panalitèn, sarta kagém kapreluwan èlmu kawruh sanèsipun..

Wana Wisata Penggaron ugi dados papan kanggé pengamatan peksi ingkang saé, awit gadhah koleksi kéwan ingkang kathah kaliyan saged narik kawigatèn, mliginipun peksinipun. Semarang Bird Community (SBC) nyathét, wonten 97 spesiès peksi, kados ta: merak ijo, bidho, kadalan birah, kaliyan raptor migran.