Wikipédia:Tutorial (Pranala Wikipedia)

Artikel iki bagéan saka Tutorial Wikipedia

Kaca tutorial...

Kaca ngarep Panyuntingan Nata format Pranala Wikipedia Pranala situs kagandhèng Pranala njaba Kaca dhiskusi Élingana Pandaftaran Ruang jeneng Info sabanjuré

Delengen uga...

Daftar isi pitulung

Pranala (Basa Indonésia:Tautan, Inggris: link) kuwi sawijining tulisan (utawa obyèk) kang yèn di-klik bakal tumuju menyang kaca liya, ing Wikipedia (pranala internal) utawa menyang kaca liya sajabané situs Wikipedia.

Pranala internal

Salah siji bab kang ndadèkaké Wikipedia cukup migunani yakuwi anané pranala internal, kang nyambungaké artikel siji lan liyané jroning Wikipedia. Bab iki marakaké para naraguna bisa akses informasi kang magepokan karo artikel kang diwaca.

Kapan kudu gawé pranala

Bab kang paling gampang kanggo meruhi kapan kudu gawé pranala yakuwi kanthi baca sawetara artikel Wikipedia minangka conto. Yèn panjenengan kepéngin mutusaké apa kudu gawé pranala apa ora, takona marang Panjenengan dhéwé "Saumpama aku maca artikel iki, pranala apa kang kira-kira migunani?"

Cara gawé pranala

Nalika panjenengan arep gawé pranala menyang kaca Wikipedia liyané (diarani pranala wiki) panjenengan cukup mènèhi tandha "kurung kotak gandha" ing ngarep lan mburiné tembung, kaya mangkéné:

[[Surabaya]]

Dadi saupama panjenengan arep gawé pranala menyang kaca Wikipedia:Tutorial, yang kudu ditulis yakuwi:

[[Wikipedia:Tutorial]]

(Bagéan Wikipedia: nandakaké yèn kaca target klebu namespace Wikipedia, yakuwi dudu namespace utama, kaya artikel normal umumé.)

Élingana yèn ing Wikipedia, pranala digawé sacara otomatis, dadi yèn panjenengan ngapit tembung nganggo kurung kurawal gandha, pranala bakal kawangun sacara otomatis, saéngga panjenengan perlu ati-hati bab disambiguasi.

Yèn panjenengan arep migunakaké tembung-tembung liya kang irah-irahané ora padha karo pranala kang arep digawé, panjenengan bisa nambahaké tandha pranala pipa "|" diterusaké jeneng alternatif. (Tombol tandha pipa ing papan ketik ing Indonesia umumé dumunung ing bagéan ndhuwur, yakuwi sangisoré tombol "BACKSPACE".)

Dadi upamané, yèn panjenengan arep gawé pranala menyang irah-irahan artikel kutha nanging katulis "kutharaja", panjenengan bisa nulis mangkéné:

... sawijining désa suwé-suwé pedunungé bisa ngrembaka dadi [[kutha|kutharaja]]...

Banjur bakal katon kaya mangkéné:

...sawijining désa suwé-suwé pedunungé ngrembaka dadi kutharaja.

lan pranala bakal tumuju marang artikel "kutha".

Gawé pranala tanggal

Gawé pranala ana ing sawijining tanggal dianjuraké banget ing Wikipedia. Cara gawé pranala tanggal:

[[17 Agustus ]] [[1945]]

lan kasilé kaya mangkéné:

17 Agustus 1945

Kategori

Panjenengan uga bisa nglebokaké sawijining artikel jroning kategori bebarengan karo artikal-artikel liya kang sajinis. Carané gampang waé, yakuwi kanthi ngetik [[Kategori:]], lan tulis jeneng kategori ing antara tandha "titik loro" lan tandha tutup kurung kothak. Dèlèhen kategori ing bagéan ngisor artikel. Sawijining artikel uga bisa dilebokaké menyang luwih saka siji kategori. Upamané artikel Pulo Bangka dilebokaké jroning kategori:

[[Kategori:Pulo ing Indonesia]]

Kanggo gawé pranala menyang kaca kategori (upamané, minangka referensi kanggo riset sabanjuré), cukup tambahké tandha titik loro (:) sadurungé tag "Kategori", kaya iki:

[[:Kategori:Astronomi]]

Kodhe ing ndhuwur iku bakal katon kaya mangkéné:

Kategori:Astronomi

Ndèlèh artikel ana ing kategori kang bener bakal nggampangaké wong liya nemokaké kasil karya panjenengan. Cara paling apik kanggo nemokaké kategori kanggo sawijining artikel, yakuwi ndeleng artikel kang sarupa, lan pirsani kategori apa kang dipigunakaké. Upamané, panjenengan nulis artikel bab jeneng wit-witan, pirsanana artikel liya bab wit-witan.

Informasi sabanjuré bab kategori lan kategorisasi, delengen kaca Kategorisasi.

Èksperimen

Coba gunakaké pranala ing kothak wedhi.

bacutké Tutorial menyang bab sabanjuré.