Wira

Wira ya iku wong utawa karakter pokok ing karya sastra kang ngadhepi lan mradhahi bebaya sarana kapinteran, kakendelan, utawa kakuwatan. Wira asring nglilakaké urusan prianggané kanggo kabecikan kang utama.

Joan d'Arc dijuluki wiraning Perancis lantaran lakoné ing Perang Atusan Taun lan dikanon dadi santoning Katulik Roma.

Dipanegara, pangéran Jawa sing mimpin pemberontakan nglawan kolonial Walanda, minangka pahlawan nasional Républik Indonésia.

Gagasan bab wira kawitané kapacak ing sastra klasik. Ing geguritan wiracarita, wira minangka lakon utawa karakter kang diajèni lan diagung-agung sajeroning dongèng-dongènging wong akèh; wira asring ngudi sarana paneluking militèr lan kerep urip kanthi ajining dhiri cacad. Contoné wira-wira ing mitologi, kaya déné Gilgamès, Acilès, lan Ipigénia, nganti wira-wira ing sujarah, kaya déné Joan d'Arc lan Gandhi, sarta wiraning wong modhèren kaya Rosa Parks.