Wisata Colo, Kudus
Colo Kudus inggih punika salah satunggalipun objek wisata ingkang wonten ing tlatah Gunung Muria. Pegunungan Muria gadhah dhuwur 1602 m saking dhuwur toyo laut lan dados salah satunggalipun area dataran dhuwur kang gadhah gunung utawi bukit-bukit inggih punika: Gunung Argo Jembagan, Gunung Argo Ploso, Gunung Rahtawu, Bukit Pasar, lan Bukit Ringgit. Asma ‘’’Colo’’’ dipunpendhet saking asma salah satunggalipun désa ing Gunung Muria. Amargi Colo punika asma saking Sunan Muria, objek punika kasebat objek wisata Colo. Objek punika gadhah 2 objek inggih punika: objek religius lan objek wisata.
Wisata Colo besut
Ing wisata punika gadhah sesawangan kang éndah, hawa ingkang seger, atis, lan gadhah papan wisata ingkang éndah ugi. Satunggal, Makam Sunan Muria. Makam Sunan Muria utawi Syekh R. Umar Said inggih punika salah satunggalipun Wali songo dados satunggal kaliyan Masjid Sunan Muria kang dumunung wonten puncak Gunung Muria. Manawi badhé ngrika, saged dipunlampahi kanthi anak tangga ingkang cacahipun 700 utawi ngagem ojek. Kalih, Curug Monthel, saking makam Sunan Muria nginggilipun kanthi 25 mèter ingkang saged dipuntempuh kanthi k30 menit kemawon. Ing dhuwur punika wonten kebun kopi kang asri lan éndah. Manawi sampun ing nginggilipun Monthel, saged siram utawi dolanan toya kanthi puas. Tiga, Wisata Alam Rejenu. Wisata punika gadhah dhuwur 1150 mèter saking dhuwur toya laut. Kawasan wisata alam Rejenu punika dumunung wonten pagunungan Argo Jembangan ing Gunung Muria. Jarakipun 3 km saking kompleks Makam Sunan Muria. Ing kawasan Eko Alam Rejenu tiyang saged ngamati kembang-kembang ingkang wonten ing Gunung Muria. Sanèsipun punika objek ingkang wonten ing komplek punika inggih punika:
- Makam Syekh Sadzali. Piyambakipun inggih punika murid saking Sunan Muria kang setya dampingi ugi biyantu Sunan Muria ingkang nyebaraken Islam ing Gunung Muria.
- Sumber Toya Tigang Rasa. Ing kawasan wisata Rejenu punika gadhah sumber toya tigang raos inggih punika tawar-tawar asem ingkang gadhah kasiat ngusadani lelara.[1] Ingkang kaping kalih inggih punika gadhah raos ingkang mèmper kaliyan toya soda inggih punika Sprite ingkang gadhah kasiat saged ngawontenaken raos percaya nalika ngadepi prakawis pagesangan. Toya ingkang kaping tiga gadhah raos mèmper toya keras tuwak/arak” ingkang gadhah kasiat saged nglancaraken rejeki.[2]
- Curug Gonggomino. Ing kawasan Rejenu wonten Curug Gonggomino ingkang minangka curug kaping kalih sanèsipun Monthel. Wisata punika saged dipunlampahi kanthi mlampah kali ing REJENU.
Sekawan, Bumi Perkemahan lan Wana Wisata Kajar. Objek punika dumunung wonten kawasan rimba pinus, kingang gadhah jarak 3 km arah kidul saking Makam Sunan Muria. Ingkang nginggilipun 600 m, kawasan Kajar inggih punika cocog kanggé kemahlan wisata jelajah.
Lokasi Colo besut
Lokasi Colo ing 18 km saking pusat Kutha Kudus.[3], arah lor Kutha Kudus.[4], tepatipun kawasan Pegunungan Muria, Dusun Colo, Kacamatan Dawe, Kabupatèn Kudus, Jawi Tengah, Indonesia.
Akses besut
Aksesipun ing Colo saged dipunlampahipun saking bus jurusan Semarang-Kudus. Uga sampun ing Terminal Kudus, saged dipunlajengaken kalih angkot jurusan Colo.
Akomodasi lan Fasilitas besut
Ing Colo gdhahi akomodasi lan fasilitas inggih punika: Graha Muria kang dipunangun kanggé panginapan lan papan kanggé pertemuan, area parkir, musholla, warung dhahar kang wonten dhaharan khas Kudus, sega pecel pakis, pitik bakar, parijoto. Sapanunggalipun punika wonten warung-warung kang dodol cinderamata khas Kudus.[3] Objek wisata punika sanget dipunremeni wisatawan kang pancèn remen kalih pendakian.[5]
Cathetan suku besut
- ↑ http://www.wisatamelayu.com Archived 2010-02-10 at the Wayback Machine.(dipuntingali tanggal 17 Oktober 2011)
- ↑ kudusweb.net Archived 2011-10-20 at the Wayback Machine.(dipuntingali tanggal 17 Oktober 2011)
- ↑ a b http://www.wisatamelayu.com Archived 2010-02-10 at the Wayback Machine.(dipuntigali tanggal 17 Oktober 2011)
- ↑ http://www.lintasberita.com[pranala mati permanèn](dipuntingali tanggal 17 Oktober 2011)
- ↑ http://www.promojateng-pemprovjateng.com(dipuntingali tanggal 17 Oktober 2011)