Wong Puyuma

Wong Puyuma (Tyonghowa: 卑南族; pinyin: Bēinán-zú; Pe̍h-ōe-jī: Puyuma-cho̍k, Pi-lâm-cho̍k), utawa uga diarani minangka Pinuyumayan, Peinan utawa Beinan, iku salah sawijining bangsa pribumi Taiwan. Wong-wong iki kerepé dipérang ing golongan Chihpen lan Nanwang, lan loro-loroné manggon in Kabupatèn Taitung ing pasisir wétan Taiwan.

Ing taun 2000 wong Puyuma cacahé ana 9.606 jiwa. Iki cacahé sakiwa-tengené 2,4% padunung pribumi Taiwan, lan nggawé suku bangsa iki dadi nomor enem sing gedhé dhéwé. Wong Puyuma ngomong nganggo basa Puyuma, lan uga basa Mandarin, saha Hokkien Taiwan.

Jeneng "Puyuma" iku tegesé "kamanunggalan" utawa "pasemon", lan wiwitané jeneng otonim para pacatur dialèk Nanwang. Zeitoun lan Cauquelin (2006) uga duwé panemu menawa tembung Puyuma bisa dianalisis minangka pu'-uma, sing tegesé "dikirim menyang tegal."

Situs Peinan

Patilasan awal dhéwé saka jaman prasajarah ditemokaké ing situs Peinan ing Kutha Taitung. Sing nemokaké ya iku Torii Ryūzō, nalika jaman pendhudhukan Jepang. Nalika nekani Taiwan ping papat, dhèwèké moto-moto pilar-pilar watu ing situs iki. Beinan Cultural Park dibuka taun 1997 kanggo mamèraké lan nglestarèkaké situs arkéologi iki, sing dianggep wigati dhéwé ing Taiwan. Sawijining Museum Nasional Prasajarah Taiwan dibuka ing taun 2002.

Désa-désa

Désa-désa Puyuma (dipratélakaké saka lor banjur ngidul):

• Ulibulibuk
• Bankio
• Alipai
• Pinaski
• Tamalakaw
• Rikabung
• Puyuma (Nanwang)
• Peinan
• Balangaw
• Apapalo
• Kasabakan
• Katipul
• Nirbuaqan

Wong Puyuma sing misuwur

A-mei

• A-mei, penyanyi pop
• Paelabang Danapan, Mantri Pasamuan Bangsa Pribumi (2009-2013)
• Saya Chang, penyanyi lan adhiné A-mei
• Erica Chiang, penyanyi
• Jane Huang, penyanyi band rock duo Taiwan Y2J
• Samingad, penyanyi
• Purdur, penyanyi
• Panai, penyanyi
• Tank, penyanyi
• Sangpuy Katatepan Mavaliyw, penyanyi Puyuma language singer
• Baday, panulis
• Kuciling Katatepan, juru ukir tradhisional
• Iming, juru ukir reca