Wong pribumi Taiwan

Wong pribumi Taiwan (basa Tionghoa: 原住民; pinyin: yuánzhùmín; Wade-Giles: yüan2-chu4-min2; Tongyong Pinyin: yuánjhùmín; basa Taiwan Pe̍h-oē-jī: gôan-chū-bîn, teges barès: "wong asli") iku wong bumi utawa wong asli Taiwan. Wong bumi iku kagolong wong Austronesia kang ana ing Taiwan, sadurungé ana Suku Han kang imigrasi ing gtaun 1600-an. Cacahe wong bumi iku kurang luwih 2% saka 23 yuta saka cacahé wong Taiwan. Lumrahé wong bumi Taiwan urip ing pagunungan la ing lembah rata ing sisih wétan Pulo Taiwan lan Pulo Lanyu.

Lurah Rukai kang lagi sowan ing Jurusan Antropologi ing Universitas Kamaharajan Tokyo nalika pamaréntahan Jepang.

Amarga papan panggonnan kang dinggoni wong bumi Taiwan iku béda-béda, basane, lan budayane uga béda banjur wong bumi Taiwan dipantha-pantha dadi Wong Amis, Wong Atayal, Wong Paiwan, Wong Bunong, Wong Lukai, Wong Puyuma, Wong Cao, Wong Saiya, Suku Yamai lan Suku Pingpu. Kurang luwih ana 1.500 kang urip ing kutha-kutha gedhé kaya ta Shanghai, Beijing lan Wuhan, uga ing Provinsi Fujian.

Wong bumi Taiwan biyèn seneng beburu, nanging saiki akèh kang padha dadi tani nandur pari, kenthang. Kajaba iku uga ana kang ngingoni kéwan, kaya ta babi, wedhus, asu, lan pitik.