Tuduhaké menu pokok

Yoon Doo-joon (lair 4 Juli 1989), luwih dikenal kanthi jeneng minangka Doo-joon, ya iku penyanyi lan aktor Koréa Kidul. Dhèwèké minangka pamimpin boy group Highlight saka Koréa Kidul.

Awal uripBesut

Yoon Doo-joon lair ing Goyang, Koréa Kidul tanggal 4 Juli 1989. Gegayuhané dhèwèké dadi guru olahraga berubah sawisé dhèwèké nonton MTV Big Bang Documentary. Wong tuwané lan guru-guruné ora setuju marang keputusané Doo-joon. Nanging, dhèwèké njaluk pangèstu supaya bisa ndhaftar kanggo sekolah musik lan banjur wiwit audisi dadi penyanyi.

Doo-joon banjur dadi trainee saka labèl JYP Entertainment lan tampil ing dokumènter Mnet Hot Blooded Men, program realitas sing nuduhaké persiapan debuté, bebarengan karo 2AM lan 2PM, nanging dhèwèké dièliminasi nalika kalah ing acara kasebut.

Doo-joon banjur pindah menyang labèl Cube Entertainment. Dhèwèké nerusaké debut minangka pamimpin boy group Beast.

KarirBesut

Highlight (sadurungé dikenal minangka Beast)Besut

Doo-joon debut minangka pamimpin Beast taun 2009. [1] Ing taun 2016, dhèwèké ninggalaké labèl Cube Entertainment bebarengan karo anggota liyané. Doo-joon lan anggota liyané miwiti formasi boy group anyar kanthi jeneng Highlight kanggo labèl Us entertainment.

Karir soloBesut

Sakdurungé debut karo aggota Beast, Doo-joon melu audhisi kanggo High Kick Through the Roof lan diwènèhi peran ana ing sitkom. Nanging, dhèwèké luwih milih karir ing musik. Sesasi sawisé debut, dhèwèké dadi anggota seri realitas Danbi, bagéan sègmèn MBC's Sunday Sunday Night. Acara iki rampung kanthi siaran pungkasan tanggal 15 Agustus 2010.

Doo-joon banjur kepilih dadi modèl iklan kanggo jins premium Buckaroo bebarengan karo Shin Se-kyung. Doo-joon uga tampil kanggo vidio musik "I'll back off So You Can Live Better" dening G.NA bebarengan karo anggota Beast, Junhyung.

Ing taun 2013, Doo-joon tampil ing drama Iris II. Ing taun sing padha, dhèwèké mbintangi drama Let's Eat. dhèwèké uga ngrampungaké peran ing Let's Eat 2 sing ditayangaké ing taun 2015. Ing taun sing padha uga, Doo-joon mbintangi drama MBC kanthi irah-irahan Splash Splash Love.

Ing taun 2018, Doo-joon mbintangi drama romansa Radio Romance. Ing tahun iki uga, dhèwèké ngrampungake musim katelu saka franchise Let's Eat 3.

Wajib MiliterBesut

Yoon Doo-joon mlebu tugas militer ing tanggal 24 Agustus 2018. [2] [3]

RujukanBesut

Pranala njabaBesut