ꦧꦼꦂꦱꦶꦃꦢꦺꦱ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

꧋ꦧꦼꦂꦱꦶꦃꦢꦺꦱꦲꦶꦏꦸꦲꦸꦥꦕꦫꦲꦢꦠ꧀ꦗꦮꦏꦁꦢꦶꦱꦼꦊꦁꦒꦫ'ꦄꦏꦺꦧꦸꦧꦂꦥꦤꦺꦤ꧀ꦥꦫꦶꦢꦝꦶꦩꦏ꧀ꦱꦸꦢꦺꦏꦁꦒꦺꦴꦔꦸꦕꦥꦏꦺꦱꦾꦸꦏꦸꦂꦠꦸꦮꦸꦲꦤ꧀ꦥꦫꦶꦧꦿꦱꦶꦭ꧀ꦢꦶꦥꦤꦺꦤ꧀ꦭꦤ꧀ꦏꦱꦶꦭꦺꦲꦥꦶꦏ꧀꧈

꧋ꦲꦸꦥꦕꦫꦲꦢꦠ꧀ꦲꦶꦏꦶꦏꦢꦁꦲꦸꦒꦢꦶꦲꦫꦤꦶꦲꦸꦥꦕꦫꦩꦽꦠꦶꦢꦺꦱꦭꦤ꧀ꦧꦶꦪꦱꦢꦶꦒꦧꦸꦁꦏꦫꦺꦴꦲꦸꦥꦕꦫꦲꦢꦠ꧀ꦱꦼꦝꦼꦏꦃꦧꦸꦩꦶꦲꦸꦠꦮꦩꦽꦠꦶꦧꦸꦩꦶ꧉

꧋ꦩꦱꦶꦁꦩꦱꦶꦁꦭꦭꦢꦤ꧀ꦤ꧀ꦝꦸꦮꦺꦠꦠꦕꦫꦭꦤ꧀ꦥꦿꦺꦴꦱꦺꦱꦶꦲꦸꦥꦕꦫꦏꦁꦱꦼꦗꦼꦱꦼꦗꦼꦩꦶꦠꦸꦫꦸꦠ꧀ꦏꦧꦶꦪꦱꦲꦤ꧀ꦩꦱꦶꦁꦩꦱꦶꦁꦤꦶꦁꦠꦸꦗꦸꦮꦤꦺꦥꦝꦧꦲꦺ꧉

ꦱꦗꦫꦃ

꧋ꦲꦶꦁꦗꦩꦤ꧀ꦩ꧀ꦧꦶꦪꦺꦤ꧀ꦲꦸꦥꦕꦫꦲꦢꦠ꧀ꦲꦶꦏꦶꦢꦶꦏꦻꦠꦏꦺꦏꦫꦺꦴꦢꦺꦮꦶꦱꦿꦶꦏꦁꦢꦶꦲꦁꦒꦼꦥ꧀ꦱꦼꦧꦒꦻꦢꦺꦮꦶꦥꦫꦶꦲꦩꦂꦒꦏꦼꦧꦿꦱꦶꦭꦤ꧀ꦥꦤꦺꦤ꧀ꦲꦶꦏꦸꦏꦱꦶꦭ꧀ꦏꦼꦩꦸꦫꦲꦤ꧀ꦱꦏꦢꦺꦮꦶꦱꦿꦶꦏꦁꦮꦗꦶꦧ꧀ꦢꦶꦱꦾꦸꦏꦸꦫꦶ꧉

ꦠꦸꦗꦸꦮꦤ꧀

ꦏꦁꦒꦺꦴꦔꦸꦕꦥꦏꦺꦱꦾꦸꦏꦸꦂꦩꦫꦁꦠꦸꦲꦤ꧀ꦏꦁꦮꦶꦱ꧀ꦲꦮꦺꦃꦲꦤꦸꦒꦿꦃꦏꦱꦶꦭ꧀ꦥꦤꦺꦤ꧀ꦥꦫꦶꦏꦁꦩꦼꦭꦶꦩ꧀ꦥꦃ
ꦏꦁꦒꦺꦴꦚ꧀ꦗꦒꦏꦼꦱ꧀ꦭꦩꦺꦠꦤ꧀ꦥꦫꦮꦂꦒꦢꦺꦱꦱꦏꦒꦁꦒꦸꦮꦤ꧀ꦲꦭ꧀ꦲꦭ꧀ꦏꦁꦒꦻꦧ꧀꧉ꦫꦺꦴꦃꦲꦸꦠꦮꦄꦂꦮꦃꦏꦁꦒꦼꦤ꧀ꦠꦪꦔꦤ꧀ꦲꦸꦒꦱꦏꦒꦁꦒꦸꦮꦤ꧀ꦒꦁꦒꦸꦮꦤ꧀ꦊꦭꦫ꧈ꦏꦼꦲꦩꦤꦤ꧀ꦭꦤ꧀ꦧꦼꦚ꧀ꦕꦤ꧉
ꦏꦁꦒꦺꦴꦔꦽꦱꦶ'ꦄꦏꦺꦢꦺꦱꦭꦤ꧀ꦮꦂꦒꦤꦺꦱꦏꦲꦭꦔꦤ꧀ꦲꦸꦠꦮꦏꦼꦱꦸꦱꦲꦤ꧀ꦱꦸꦥꦪꦏꦲꦢꦲꦤ꧀ꦢꦺꦱꦢꦝꦶꦠꦼꦤ꧀ꦠꦿꦼꦩ꧀ꦭꦤ꧀ꦲꦩꦤ꧀꧉

ꦥꦿꦺꦴꦱꦺꦱꦶ

꧋ꦥꦿꦺꦴꦱꦺꦱꦶꦈꦥꦕꦫꦫꦕꦏꦺꦢꦶꦮꦶꦮꦶꦠꦶꦧꦸꦧꦂꦥꦤꦺꦤꦤ꧀ꦥꦼꦂꦠꦩꦲꦸꦠꦮꦩꦼꦛꦶꦏ꧀‌꧈ꦭꦺꦴꦏꦱꦶꦲꦸꦥꦕꦫꦤꦺꦥꦼꦂꦠꦩꦲꦶꦁꦥꦼꦱꦮꦲꦤ꧀ꦏꦁꦮꦶꦱ꧀ꦢꦶꦥꦶꦫꦤ꧀ꦠꦺꦤꦶꦈꦧꦺꦴꦫꦩ꧀ꦥꦺꦲꦤ꧀ꦠꦫꦤꦺ:ꦗꦤꦸꦂꦏꦸꦤꦶꦁ꧈ꦏꦼꦩ꧀ꦧꦁꦱꦼꦠꦩꦤ꧀‌ꦏꦼꦩꦼꦚꦤ꧀꧈ꦏꦕ꧈ꦱꦸꦫꦶ꧈ꦧꦚꦸꦏꦼꦤ꧀ꦝꦶ꧈ꦗꦗꦤ꧀ꦥꦱꦂ꧈ꦧꦸꦁꦏꦸꦱꦤ꧀ꦱꦼꦒꦭꦤ꧀ꦒꦼꦝꦁ꧉ꦧꦸꦧꦂꦄꦕꦫꦤ꧀ꦝꦺꦴꦔ꧈ꦥꦫꦶꦏꦁꦮꦶꦱ꧀ꦝꦶꦥꦼꦠꦶꦏ꧀ꦝꦶꦒꦺꦴꦠꦺꦴꦁꦆꦁꦭꦸꦩ꧀ꦧꦸꦁꦥꦫꦶ꧉ꦆꦁꦭꦸꦩ꧀ꦧꦸꦁꦥꦫꦶꦈꦒꦮꦶꦱ꧀ꦢꦶꦱꦶꦪꦥꦏꦺꦥꦼꦫꦁꦏꦠ꧀ꦲꦸꦥꦕꦫꦭꦚ꧀ꦗꦸꦠꦤꦺꦏꦁꦫꦕꦏꦺꦢꦶꦒꦮꦺꦱꦏꦒꦺꦴꦝꦺꦴꦁꦲꦤ꧀ꦠꦫꦤꦺꦒꦺꦴꦝꦺꦴꦁꦏ꧀ꦭꦸꦮꦶꦃ꧈ꦢꦝꦥ꧀ꦱꦺꦉꦥ꧀‌꧈ꦒꦺꦴꦝꦺꦴꦁꦩꦺꦴꦗꦺꦴ꧈ꦒꦺꦴꦝꦺꦴꦁꦠꦼꦧꦸ꧈ꦒꦺꦴꦝꦺꦴꦁꦗꦠꦶꦲꦸꦒꦒꦺꦴꦝꦺꦴꦁꦭꦸꦃ꧉ꦩꦱꦶꦁꦩꦱꦶꦁꦒꦺꦴꦝꦺꦴꦁꦲꦶꦏꦸꦤ꧀ꦢꦸꦮꦺꦥ꦳ꦸꦁꦱꦶꦭꦤ꧀ꦩꦏ꧀ꦤ꧉