Grojogan Sekar Langit
Air Terjun Sekar Langit (basa Jawa: Grojogan Sekar Langit) ya iku salah sijiné tlatah plesiran alam sing dumunung ana ing Désa Telogorejo, Kacamatan Grabag, Kabupatèn Magelang, Jawa Tengah. Grojogan iki ana ing èrèng-èrèngé Gunung Telomoyo, winatesan karo tlatah Kabupatèn Semarang lan Kutha Salatiga. Dhuwuré grojogan iki selawé mèter saka dhasaré telaga.[1][2]
| Grojogan Sekarlangit | |
| Informasi tempat wisata | |
|---|---|
| Lokasi | Kabupatèn Magelang, Jawa Tengah |
| Nagara |  Indonésia
|
| Koordinat | 6°57′S 110°23′E / 6.95°S 110.38°EKoordhinat: 6°57′S 110°23′E / 6.95°S 110.38°E |
| Pangelola | Pamaréntah Kab. Magelang |
| Jenis objek wisata | Wisata alam |
| Fasilitas | Sesawangan alam, grojogan, tlaga. |
Latar wuri
besutGrojogan Sekar Langit dumunung ana ing Désa Telogorejo, Kacamatan Grabag, Kabupatèn Magelang, Jawa Tengah, ing èrèng-èrèngé Gunung Telomoyo, winatesan karo tlatah Kabupatèn Semarang lan Kutha Salatiga, Jawa Tengah. Kaéndahané tekan saiki isih dijaga kanthi apik. Akèh wit-witan kang ijo royo-royo ing sakiwa lan tengené dalan lumebu, sing dawané 400 mètèr saka dalan gedhé tumuju grojogan. Sekar Langit uga naté dadi papan kanggo nggarap film Yohana Gadis Rimba sing rikala semana diparagakaké déning Lidya Kandou lan Atek Soedharmo (1993). Éwandéné, juru arahé ya iku Wim Umboh. Pirang-pirang taun kapungkur, dalan lumebu ana ing kono rada rusak awit saka ketaman wancana longsor, nanging para pamangku praja, ora suwé banjur ndandani nganggo undhak-undhakan kang digawé saka semèn.[3][4]
Mitos Jakatarub
besutSaliyané kaéndahan alamé, sing ndadèkaké para pelancong padha kersa ing Sekar Langit ya iku anané dongèng Jaka Tarub. Miturut critané, ing telaga kono iku Jaka Tarub ndingklik lan nyolong sléndang salah sijiné widadari sing lagi adus ing satengahé telaga, ya iku Nawangwulan. Widadari kang sléndangé kacolong iku, pungkasané ora bisa mulih manèh menyang kahyangan lan nglakoni urip (dadi garwané) karo Jaka Tarub. Éwadéné sléndang mau, dadi kunci kasektèné Nawangwulan.[5][6]
Pirsani uga
besutRujukan
besut- ↑ Negeri Angin, diakses 16 Feb 2015
- ↑ Website resmi Kabupaten Magelang, diakses 16 Feb 2015
- ↑ "ARtiyanta, diakses 16 Feb 2015". Diarsip saka sing asli ing 27 September 2022. Dibukak ing 17 April 2017.
- ↑ Promo Jateng, diakses 16 Feb 2015
- ↑ Yogyakarta Panduan Wisata, diakses 16 Feb 2015
- ↑ Wikimapia, diakses 16 Feb 2015