Alda Risma
Alda Risma Elfariani / Alda R binti A Farid R (lair ing Bogor, 23 Novèmber 1982 – pati ing Jakarta, 12 Dhésèmber 2006 ing umur 24 taun) inggih punika penyanyi lan aktris Indonesia. Priyantun èstri ingkang gadhah inggil 160 cm punika misuwur mliginipun amargi lagu 'Aku Tak Biyasa.[1]
| Alda Risma | |
|---|---|
 | |
| Lair | Alda Risma Elfariani 23 Novèmber 1982 Bogor, Jawa Barat, Indonesia |
| Pati | Dhésèmber 12, 2006 (umur 24) Jakarta, Indonesia |
| Pakaryan | Penyanyi, Artis |
| Taun aktif | 1997 - 2006 |
| Bojo | Iwan Sastrawijaya (putus) |
| Wong tuwa | A Farid R / Halimah |
Wiwitanipun
besutAlda Risma lair ing Bogor nalika tanggal 23 November 1982.[1] Ibunipun gadhah asma Halimah. Alda Risma ageng ing Cikaret, Bogor Kidul. Wiwit taun 1980, Alda lan tiyang sepuhipun manggèn ing ngrika.[1]
Karier
besutAlda Risma dados misuwur amargi lagu Aku Tak Biyasa.[1] Alda ugi naté kolaborasi kaliyan boyband "Code Red". Sanèsipun punika, Alda ugi kalebet satunggalipun modhèl.[1]
Gesangipun
besutAlda Risma naté tunangan kaliyan Iwan Sastrawijaya, nanging nalika badhé palakrami lajeng pepisahan amargi congkrah.[1] Namanipun Alda Risma lajeng radi ical, ngantos medal malih ing médhia massa nalika kacilakan lalu lintas ing tanggal 19 Juni 2006.[1]
Tilar Donya
besutTanggal 12 Dhésèmber 2006 Alda Risma tilar donya amargi dipunperjaya ngantos pejah déning Ferry Surya Prakasa.[2] Nalika kapanggih ing hotèl, sadaya badanipun kados kénging suntikan kathah.[2] Saderengipun Alda Risma dipunduga tilar donya amargi overdosis, nanging sasampunipun dipunanalisis pranyata Alda Risma tilar donya amargi dipunperjaya.[2]
Cathetan suku
besutPranala njawi
besut
| Artikel iki minangka artikel rintisan. Kowé bisa ngéwangi Wikipédia ngembangaké. |