American Gun (filem 2002)
American Gun inggih punika filem sandhiwara saking Amérikah Sarékat ingkang didamel ing taun 2002. Filem punika dipunsutradarani Alan Jacobs ingkang ngrangkep minangka panganggit lakon (skénario). Ingkang maragani filem punika antawisipun James Coburn (filem pungkasan, sadèrèngipun tilar donya ing surya 18 Novèmber 2002), Virginia Madsen, Barbara Bain, lan Alexandra Holden.[1][2]
| American Gun | |
|---|---|
| Disutradarani | Alan Jacobs |
| Diprodhuseri | Brent Morris |
| Ditulis déning | Alan Jacobs |
| Dibintangi | James Coburn Virginia Madsen Barbara Bain Alexandra Holden Walter Jones |
| Dimusiki | Anthony Marinelli |
| Dibabar déning | Miramax Films |
Tanggal metu | 13 Juni 2002 |
Suwéné | 89 menit |
| Basa | Basa Inggris |
Lampahan
besutAmerican Gun nyariyosaken babagan Martin Tillam (Coburn), satunggalipun vèteran Payudan Donya II ingkang madosi sisik melik babagan senjata salebetipun pangulandara ing sapérang nagari saperlu dipun-ginakaken mejahi putrinipun, Penny (Madsen). Wonten pangulandara punika, piyambakipun ugi madosi wayahipun, Mia (Holden).
Latar wingking
besutPanganggit lakon (skénario) ingkang ngrangkep minangka sutradhara, Alan Jacobs pikantuk inspirasi nyerat kanggé filem punika sasampunipun ngrawuhi satunggalipun pabrik Smith & Wesson ing Massachusetts, lan maos cathetan raja pati (obituari) satunggalipun kenya, ingkang gemléthak sanginggilipun méja satunggalipun pangripta senjata. Piyambakipun nyuwun pirsa, punapa pangripta pestol punika ingkang mejahi kenya punika "Rikala samanten, pamanggihipun rumaos klik," ngendikanipun Jacobs. "Kawula nembé kémawon maos buku sesirah Lethal Passage anggitanipun juru warta Erik Larson ingkang mratelakaken sujarah mesin pestol."[3]
Pandamelan filem punika dipuntidakaken kanthi dangunipun sekawan dasa dinten, kalebet pamundhutan gambar utama ing wulan Dhésèmber 2000 ing Rutland, Vermont, dilajengaken wonten Los Angeles, California, Las Vegas, Nevada, lan Miami, Florida. Filem punika dipunsengkuyung déning juru sinematografi Phil Parmet kanthi ngginakaken piranti Kodak Color 35mm cemeng-pethak, lan dipuntambahi ngagem Sony PD150 mini-DV, ingkang nggabungaken format kekalihipun. Filem punika kasil menang pangaji Modern Digital Cinematography Award wonten Seattle Independent Film Festival taun 2002.
Rujukan
besut- ↑ Nusair, David (15 February 2004). "American Gun (February 15/04)". ReelFilm. Dibukak ing 19 June 2015.
- ↑ Rachel Deahl. "American Gun (2002) Directed by Alan Jacobs". AllMovie. Dibukak ing 4 November 2015.
- ↑ Robert Knott, Santa Fe New Mexican Film Festival Guide, 2002
Pranala njawi
besut
| Artikel iki minangka artikel rintisan. Kowé bisa ngéwangi Wikipédia ngembangaké. |